توته🥀
•
انا خوفوني من التطعيمات ي بنات انا طفلي من يوم اخذ تطعيمه الدرن وهو صياح بصياح الناس مستغربه ايش فيه وكل شهرين يرجع ع حاله صياح وبكا وهذا غير الحراره صارت مع تطعيمه اربع شهور ترتفع كذا فجاه وربي اخر مره قلت اكيد فيه مرض من الحراره وطعمته ست شهور واللي بعدها والولد مستحيل يمر شهر ماصخن واحيان اسبوعين ماتنزل واذا رحت قالو التهاب حلق والحين بقى له تطعيمات سنه الى سنتين طبعا وقفتها الحمد لله تحسن طفلي كثييير ولا افكر اطعمه لان حسيت بتعبه
توته🥀
•
والمشكله امراض غريبه يطعمون عنها مكورات وعقديه ومدري ايش وليش مايطعمون ضد الضغط والسكر والسرطان وغيرها
الصفحة الأخيرة
دفعتنا كلها مطعمة لكن ماكان التوحد منتشر فينا مثل الحين
التوحد أسبابه جينية ووراثية والسبب الرئيسي غامض لين الحين
والتطعيمات مهمة وتحمي الطفل من امراض خطيرة ممكن تصيده ويعاني منها
بسكم اشاعات وخافوا ربكم فالاطفال مب كل شي تسمعونه والا تقرونه صح يا كثر الاشاعات اللي طلعوها الناس
اما بالنسبة للأجهزة فهي ماتسبب توحد تسبب اعراض مشابهة لكن بمجرد ما تشيلون الأجهزة الأطفال يرجعون طبيعيين بسرعة
عكس المتوحدين يحتاجون سنوات طويلة من التعليم والتدريب عشان يقربونهم من الشخص الطبيعي