انزين حتى لو بوصل أغراض؟؟

ولا بس حق توصيل الفلوس؟؟؟

ويزاج الله خير ع المعلومه الطيبه

الصراحة ما فهمت
وش فايدتها وشلون نطلبها لازم يكون لنا تعامل وياهم قبل

مرحبا اختي
بالنسبه للكوبون هل نقدر نستلمه من الفرع الرئيسي أو الأفرع الفرعيه لأرامكس؟

هلا فيكم خواتي
واشكركم على تفاعلكم مع الموضوع

بالنسبه لهالكلام فانا اتكلم عن الشحن المحلي داخل الامارات
سواء بغيتي تطرشين فلوس او اغراض

وانا كنت عندهم صباح الخميس وقالولي ممكن استلم دفتر الكوبات بالسبت او الاحد
من فرع الشارجه (لاني طلبت من عندهم) واكيد براويكم صور الكوبونات اول ما توصلني

الغاليه وجدان الاموره
فايدتها انج لما تكونين تتعاملين دايما في توصيل اغراض او دفع فلوس عن طريق الارامكس للتاجرات والزبونات بيقلل التكلفه عليج اذا كان الشحن عليج
اضربلج مثال عن اختج اسبرانسا
دايمن اطرش الاغراض للعين او ابوظبي ب25 درهم
لكن ابتداء من يوم الخميس وبفضل دفتر الكوبونات قمت اطرش ب 15 درهم بسسس

انا اتكلم عن فرع ارامكس بالشارجه
واعتقد انه باقي مكاتب الامارات بتكون نفس الشي بعد
كل وحده تتصل وتسال في الفرع الي تبغيه

هلا مشكوره اختي اسبرانسا على الموضوع وجزاج الله خير

بس حبيت أسأل عن توصيل الأغراض والفلوس

لما تطرشين الأغراض أنتي تدفعين قيمة التوصيل والا الزبونه وكيف تستلمين الفلوس عن طري شركة الشحن ؟ يعني انتي تطلبين منهم والا شو بالضبط وهل ياخذون مبلغ ثاني على توصيل الفلوس ؟

بارك الله فيج والله يرزقنا واياكم من حيث لا نحتسب