بالنسبه للمصنع الجلابيات الي حطيت صورته قبل هو يعرض الجلابيه على 55 درهم كسعر جمله وخذيت منه عينه القماشه حلوه والقصه حلوه بس مشكلته كانت انه مركب عليها شغل بالمخمل ما كان مثبت زين ..

هالمصنع لقيت بضاعته معروضه في دبي بسعر الجمله 85 درهم .. المحل مقابل مركز المنال بس ما اذكر اسمه

مشكوره يا الغاليه
وبارك الله فيك

مشكور اختي طموحة بوظبي على هذا الجهد الواضح .. والله يكثر من خواتنا التاجرات اللي يحبون يعممون الفايدة على الكل وبدون مقابل ..

عندي سؤال .. كأني في موضوعج السابق قريت انج توردين لجلابيات هندية - مش متأكدة !! - فهل هذا صحيح ؟؟ وهل توردين لبضايع ثانية ؟؟ مثل ملابس الأطفال ؟؟ اذا صج يا ليت تطرشين لي صور عينات منها وتحددين لي أقل كمية ممكن الواحد ياخذ من عندج بالجملة والأسعار ؟؟ و طريقة التوصيل ؟ عشان أتجرأ وأبدأ بالمشروع اللي كان خاطري فيه من زمان !!!

لأني حابة أبدأ في هذا المجال من فترة لكني ما من النوع اللي ممكن يطلع وايد ويلف على البضاعة .. وبضاعة الهند وايد حلوة وسعرها حلو - دوم الوالد ييب لنا منها هدايا وبس ما له بارض ييب بضاعة -

موضوع النت وااايد حلو ومتأكدة انه بيساعد وايدات حتى ولو لغتهم ميح مثل حضرتي .. بسبب توضيحج المفصل بس يبالنا شوية جرأة .. أخاف يردون وما أدري شو يقولون وأورط عمري بسوالف ما أعرفها .. خلينا نجس نبض الزباين أول ونشوف نصلح لها السوالف ولا لأ ؟! يمكن عقب نتشجع للنت إذا مشى الحال وفقنا الله في المشروع .

اختى طموحة بو ظبى جزاك الله خيرواكثر الله من امثالك بصراحه موضوعك شيق وفيه خدمه
كبيره للى حابين يشترون بالجمله من المواقع اللى انتى حاطتها وخاصه مواقع الجلابيات
وانا لى فتره اتابع موضوعك لان ودى اشترى بالجمله بعض الحاجات خاصه الجلابيات
وقمصان النوم لكن تقف اللغه حاجز دون ذلك فياليت لو تعرفين مواقع مترجمه للعربيه
تزودينى بها
اختى الموقع اللى قلتى يبيع الجلابيه ب55 درهم جمله ايش اسمه؟

طمووووحه


تسلمي على الربط الرائع والموضوع الرائع



وانا اعتذر شديد الاعتذار والاسف على عدم ردي على رسالتك يالغاليه



بس والله ما عندي خلفيه باللغه بالمره انا ميح على الاخر



لكن لما وضعت الرابط لقيت الرابط في موضوع فحبيت اضعه للبنات لما لقيت الاغراض فيه




والله منى عيني انا اساعدك يالغاليه بس ما عندي لغه نهائي ميح بالانجليزي


وانتي ما قصرتي حطيتي معاني الكلمات


يعني الله يهديكم يابنات عندكم الكلمات مجرد اسمكوها وانسخوها والصقوها في خانه البحث او السيرش وبس واضغطي سيرش وخلاص تطلع كل المصانع وانتي لفي ودوري على راحتك



معليش اعذروني على تدخلي


بس لان فيه اسئله انطرحت في كلا الروابط للاخت طموووحه رغم انها الله يجزاها خير وضحت كل شي انتي بس اعملي نسخ ولصق اكثر من كذا ما يتطلب شي


الا اذا كنتي جاده وفلوسك معك ومحلك جاهز هنا ممكن تساعدك الاخت في حال حاولتي مره واثنين وثلاث وبرضو ما فهمتي ممكن تساعدك اختي طموووحه لانها صادقه محد دايم لاحد لازم نتعلم كلنا سوى


وكان ودي اني ابدء لكن انا الا الان ما عندي نيه فتح مشروع او محل لكن حلو ان الواحد يكون ملم بجمي الجوانب عشان اذا الله فتح علي وفكرت افتح بكره مشروع ارجع للموضوع كمرجع واكون فاهمه كل نقطه فيه




تسلمي طوووحه على هالموضوع



والله يجعله في موازين اعمالك يارب ويجزاكي الف خير ويرزقك الرزق الحلال الطيب الذي لا نضب ابدا



اختك

نيـــــــــــراز



ـ