التعتيق على شكل الطوب

أنا من راي بيكون روعة...................

خلونا نشوف أراء الأخوات......................

لاياخوتي ولا اهين زوق اختي شواطي الشوق ماينفع الاللممرات ولك من ذوقة

شواطيء مشكوره أختي على مرورج وعلى تذوقج كنت خايفه انه الشرح ما كان واضح

أختي قلب القلوب.. مشكوره اختي على النصيحة بس سؤالي هو ليش ما يصلح إلا للممرات
وهل المقصود الممرات المفتوحه أو المغلقه لأنه تقريباً الجدار اللي قلتلج عليه يستخدم كممر ماعليه اعذريني لأني اعدت التوضيح بس عشان اتأكد من المعلومه واستفيد أكثر..

وأنتظر آراء البقية ولايهونون الأخوات اللي ردوا علي .. بعد إذا ممكن تقترحون علي وشو الحل البديل إذا كان التعتيق ما يصلح؟ مع العلم أنه

صالتي 11 متر في خمس امتار .. الجدران الجنوبيه والشمالية هي الأطول والجدران الشرقية والغربية الأصغر.. عندي شباكين واحد بالجدار الشرقي وواحد بالجدار الجنوبي..
القعده الكنب يعني كله على الجدار الجنوبي .. وعندي على الجدار الشمالي بابين أقصى اليمين وأقصى اليسار.. وهالجدار عليه طاولة التلفزيون .. ومثل ما انتو عارفين هو 11 متر اذا شلنا طاولة التلفزيون والبابين بتظل عندي مساحه كبيرة ومثل ما ذكرت هالجدار مقابلة الكنب وطاولة الطعام وأكثر القطع الفنية حطيناها بالجدار المقابل لأنها ما تصلح إلا هناك .. صار عندي فراغ كبير هنا.. ولأنه يستخدم كممر ما أقدر أضيف عليه طاولة عشان لا تضيق المساحة + انه مقابلة كونسول وطاولة طعام فأحس أي اضافات راح تسوي زحمه .. وبالنسبة للوحات ما أحس لها تمركز يعني فكرت اضيف لوحه وتحت اللوحه أنثر مخاد عشان مايطلع فاضي بعد حسيت اللوحه والمخاد مالها تمركز!! مادري ماركبت معاي!! .. أنتظر نصايحكم ..

واللي خلاني افكر في التعتيق الطوبي مثل ماذكرت سابقاً عندي الكوفي تيبل تبع الكنب فيها مثل الرجلين على شكل جدران بالطوب.. باللون الأصفر والعسلي تقريباً ففكرت اللون خفيف لو كان على ذاك الجدار بالمقابل يبرز الشكل مادري شرايكم؟