السلام عليكم ورحمة الله وبركاته كيف حالكن بنات حواء الرائعات.. 💕♥️
اليوم حابة اتكلم بموضوع حساس جدا بالنسبة لنا نحن كنساء وانا مثلي مثلكم اتحسس من هذا الأمر وقلبي يعورني إذا فكرت مجرد تفكير انه زوجي يوم من الأيام يتزوج علي ولكن......
الموضوع العاطفي لا علاقة له بالموضوع الشرعي
باختصار عزيزتي بنت حواء افصلي عواطفك عن شرع الله
انا ما كنت افكر ابد اطرح هذا الموضوع بيوم من الأيام لاني اعرف قد ايش يؤثر علينا وراح الاقي ردود هجومية لكني لا أخاف في قول الحق لومة لائم
اتمنى كل وحدة تقرأ حروفي تمسك نفسها وتفكر الف مرة قبل لا تكتب لأن كل كلمة تقوليها بغير حق أو مخالفة لأمر الله انت محاسبة عليها لا تجعلي كرهك التعدد سبب وقوعك بالمعصية والتمرد على شرع الله نصيحة..
انا اللي خلاني اكتب هذا الموضوع هو كثرة المواضيع مؤخرا عن الزوجة الثانية ولاحظت أكثر من عضوة تقول انا زوجة ثانية وتجيها اغلب الردود مليئة بالعواطف الانثوية المخلوطة بالجهل للأسف وبعضها تذكر لفظ كبير وهي ما تدري كيف معناه
مثال الألفاظ اللي ذكرت : أن اللي يتزوج اناني أو الشخص المعدد انسان ما يحب الا نفسه واناني ووو إلى آخره من السب والشتم في المعددين..
تعالوا نشوف من ناحية واقعية هل تقدرون تنكرون أن في رجال معدد ومدلع حريمه الأربعة ومو مقصر عليهم بشي من نفقة ودلع وخرجات وفلوس وطلعات وكل شي بالمقابل في رجال ما هو معدد ومقصر كل التقصير على زوجته.. طيب الان من خلال هذا المثال مين فيهم الأناني بالله عليكي يعني اذا ما تزوج عليها وعيشها بذل يكون مو اناني وإذا عدد عليهآ وما قصر عليها باي شي يكون اناني بس لانه عدد.؟؟؟ مالكم كيف تحكمون
ليش هذا التعميم الغلط ترى في معددين أفضل مليون مرة من اللي غير معدد َمدلع حريمه والغير معدد يتعامل مع زوجته أسوأ معاملة
والشي إلى ابغى اقوله لما تجي تسبين المعدد بشكل عام فأنت سبيتي كل إنسان عدد بما فيهم الرسل والأنبياء والصالحين والصحابة والعلماء لأن هذه الفئة المختارة َصفوة الخلق هم أكثر فئة متعددة،
اغلب الأنبياء معددين وأولهم نبينا محمد صلى الله عليه وسلم ونبينا إبراهيم عليه السلام ونبينا سليمان عليه السلام ونبينا موسى عليه السلام.. وكثير منهم وغيرهم من أهل الصلاح والعلم عرف عنهم التعدد هل تحكمين عليهم نفس الحكم لأنهم فقط معددين لا طبعا لأن الرسل أشرف الخلق بالتالي الخلل مو في التعدد نفسه وإنما في العدل يعني المعدد إذا كان مو مقصر ابدا وعادل ما يحق لك تقولين عنه أنه سيئ فقط لأنه عدد.. المشكلة بالأخلاق والظلم واللي يشرد زوجته ويظلمها وما يعدل بينها وبين الثانية هذا اللي يحق لك تتكلمي عنه والله عز وجل تكفل بعقابة في الدنيا والآخرة..
كلامي هذا أبدا مو دفاع عن التعدد ولا تشجيع لكن نقطة انتباه لشرع الله وللخطوط الحمرا وعدم تجاوزها والا انا مثلكم هذا الشي ما يتقبله قلبي لكن ما قد سبيت أو شتمت الرجال المتعدد حتى الزوجة الثانية ما يحق لاي احد يهنيها ويقول عنها خاطفة رجال لأنها ماسوت شي يغضب الله تزوجت بالحلال الا اذا كانت ناوية الشر وتفريق العائلة ساعتها حسابها عند ربها لكن التعميم غلط غلط غلط..
وآخر اشي اترك لكم هذه الروابط لموقع الشيخ ابن باز الله يرحمه شوفوا بعينكم كلام الشيخ عن التعدد هذا علامة كبير وشيخ المملكة ومفتي المملكة السابق وصاحب علم مو جاهل مثلنا نتكم في التعدد بالسوء ونحن تحكمنا العاطفة مثل ما قلت في بداية كلامي
الشيخ ابن باز.. التعدد هو الأصل في الشريعة
https://binbaz.org.sa/fatwas/2...
الشيخ ابن باز .. الحكمة من تعدد الزوجات
https://binbaz.org.sa/fatwas/2...
الرجل تختلف طبيعته عن المرأة دايم أكرر هذا الكلام الرجل شهوته مو مثل المرأة ويقدر يحب أكثر من زوجة وذكر الشيخ هذا الكلام في الصفحة..
وغالبا الجماع هو اللي يكون سبب في زواجه لأنه يكون عنده قوة في الجماع ما تعفه وحدة فقط يعني مو شرط لأنه سيء واناني مثل ما يردد البعض بجهل ويعمم على كل المعددين لدرجة ان المعدد عندهم صار أسوأ من اللي يضرب زوجته أو البخيل أو السكران فقط لأنه تزوج علي زوجته..
ياريت ما نبالغ بوصف مشاعرنا ونحترم وجود زوجات معددين تشوف وحدة كاتبه لو حبها ما تزوج عليها وتزيد جرحها جرحين خلوا كلامكم لطيف وخفيف على قلوب الناس ترى فيها اللي مكفيها..
في الاخير سامحوني طولت عليكم لكن يعلم الله ما كتبت هذا الموضوع الا بعد ما شفت مغالطات كثيرة بالمنتدى في هذا الأمر وافتراء على الشرع وكلام يخالف ما شرعه الله..
لفتة أخيرة : عزيزتي ابنة حواء خلي تعلقك بالله وحده حتى ما تتعبين في هذه الحياة الفانية 💌❤️

حفصة💌💍 @hfs_7
عضوة فعالة
يلزم عليك تسجيل الدخول أولًا لكتابة تعليق.

Zohr
•
ما نختلف بشرع الله طبعاً كلنا نعرف لكن كل وحده بتختار راحتها النفسيه بعض الزواجات عادي خلاص ترضى وتتقبل الامر الواقع وفي زوجات ماعاد ترتاح لا نفسياً ولا جسدياً خلاص انا ضد وحده تضغط على نفسها ونفسيتها عشان رجل خلاص عادي يتزوج الله يوفقه لكن انا مستحيل اكمل معاه الزوجه الثانيه انا اشوف مالها ذنب ابداً لان حتى لو رفضت بيدور غيرها عشان كذا مستحيل ارضى بنفصل على طول ليه الوحده تضغط على نفسها وهي عارفه ما بتتحمل طول عمرها وهو يقعد مبسوط

التعدد مهو حرام ولانقدر نحرم شي الله أحله.
لكن العدل صعب يتحقق الله سبحانه وتعالى قال (ولن تعدلوا بين النساء ولو حرصتم)
والغيره موجوده ومانقدر نقتلها.لكن مهو معناته الي يعدد ولا الي تكون زوجه ثانيه بتكون حياتها مأساويه أو كلها نكد.
مستحيل. لكن بتكون سعادتها فيها منغصات غير منغصات الي تكون زوجه وحده. وفي النهايه هي أقدار من الله سبحانه وتعالى.
لكن العدل صعب يتحقق الله سبحانه وتعالى قال (ولن تعدلوا بين النساء ولو حرصتم)
والغيره موجوده ومانقدر نقتلها.لكن مهو معناته الي يعدد ولا الي تكون زوجه ثانيه بتكون حياتها مأساويه أو كلها نكد.
مستحيل. لكن بتكون سعادتها فيها منغصات غير منغصات الي تكون زوجه وحده. وفي النهايه هي أقدار من الله سبحانه وتعالى.

ربِّ لاتذرني فرداً وأنت خير الوارثين
ربِّ إني لِما أنزلت إلي من خير فقير
لا إله إلا الله محمد رسول الله
سبحان الرّزاق ذو القوة المتين
لا حول ولا قوة إلا بالله العظيم
أستغفر الله وأتوب إليه
لا إله إلا أنت سبحانك إني كنت من الظالمين
يا الله يا رحمن يا رحيم يا حيّ يا قيوم
ربِّ إني لِما أنزلت إلي من خير فقير
لا إله إلا الله محمد رسول الله
سبحان الرّزاق ذو القوة المتين
لا حول ولا قوة إلا بالله العظيم
أستغفر الله وأتوب إليه
لا إله إلا أنت سبحانك إني كنت من الظالمين
يا الله يا رحمن يا رحيم يا حيّ يا قيوم

حفصة💌💍
•
Zohr :
ما نختلف بشرع الله طبعاً كلنا نعرف لكن كل وحده بتختار راحتها النفسيه بعض الزواجات عادي خلاص ترضى وتتقبل الامر الواقع وفي زوجات ماعاد ترتاح لا نفسياً ولا جسدياً خلاص انا ضد وحده تضغط على نفسها ونفسيتها عشان رجل خلاص عادي يتزوج الله يوفقه لكن انا مستحيل اكمل معاه الزوجه الثانيه انا اشوف مالها ذنب ابداً لان حتى لو رفضت بيدور غيرها عشان كذا مستحيل ارضى بنفصل على طول ليه الوحده تضغط على نفسها وهي عارفه ما بتتحمل طول عمرها وهو يقعد مبسوطما نختلف بشرع الله طبعاً كلنا نعرف لكن كل وحده بتختار راحتها النفسيه بعض الزواجات عادي خلاص ترضى...
حبيتي موضوعك مختلف شوي انا ما عندي مشكلة تختارين حياتك وتختارين الانفصال يمكن الموضوع اكبر من تحملك لكن اقصد انا النظرة التعميمية عن الرجل المعدد وكأنه مسوي جريمة هذا هو الغلط ولا تنسي يا حبيبتي أن ام المؤمنين عائشة رضي الله عنها أفضل نساء العالمين ورضيت على نفسها التعدد لكن مثل ما قلت التعدد بالعدل والحب والرحمة اما التعدد إلى فيه ظلم وإهانة وعدم احترام مشاعر الأولى فهذا موضوع آخر وحكمه يختلف لكن كل مقصدي من الموضوع هي النبرة الهجومية الخاطئة عن لتعدد والحكم على الرجل المعدد بأنه ما يحب الا نفسه ومن هذه الأشياء اللي غير صحيحة في الغالب..

حفصة💌💍
•
🇸🇦السعوديه🇸🇦 :
التعدد مهو حرام ولانقدر نحرم شي الله أحله. لكن العدل صعب يتحقق الله سبحانه وتعالى قال (ولن تعدلوا بين النساء ولو حرصتم) والغيره موجوده ومانقدر نقتلها.لكن مهو معناته الي يعدد ولا الي تكون زوجه ثانيه بتكون حياتها مأساويه أو كلها نكد. مستحيل. لكن بتكون سعادتها فيها منغصات غير منغصات الي تكون زوجه وحده. وفي النهايه هي أقدار من الله سبحانه وتعالى.التعدد مهو حرام ولانقدر نحرم شي الله أحله. لكن العدل صعب يتحقق الله سبحانه وتعالى قال (ولن تعدلوا...
حبيبتي رغد راجعي كلام العلماء بالعدل العدل المذكور بهذه الآية المقصود المحبة القلبية لكن العدل بالأمور الظاهرة واجبة شرعا وعليها عقاب لأن الآية واضحة في بداية السورة فإن خفتم الا تعدلوا فواحدة يعني اللي ما يقدر يعدل في المبيت والنفقة والعشرة لا يتزوج لكن العدل في الآية اللي ذكرتيها يقصد منه ميل قلب الرجل إلى إحدى زوجاته ورسولنا الكريم صلى الله عليه وسلم كان أعدل الناس مع زوجاته لكن كانت احبهم إلى قلبه ام المؤمنين عائشة رضي الله عنها..
الصفحة الأخيرة