ليش ود ؟؟مافهمتي الفتوى اللي حطيتها من د/رقية؟

تبين اشرحها؟

غاليتي الحبيبة تحت ظل الرحمن ان شاء الله : ود
لقد اثرت جراحي وكادت دموعي ان تنهمر لأني غريبة في مجتمعي فأنا والحمدلله محتشمة في الأعراس ولكن يبكيني حال اخواتي العاريات في العرس اخاف ان ينطبق عليهن قول الحبيب صلى الله عليه وسلم " نساء كاسيات عاريات " حاولت في البداية ان انكر ولـــــــــــــكن هيهات ان اجد من يسمعني فلم البث الإ واعتزلت الأعراس فلم احضر لأي زواج بالرغم من كلام الناس علي مثل وشبه هالمسكينة معقدة متزمتة , لكن كلامهم لن يؤثر فيني ابدا ان شاء الله فرضاء الله اهم من كل الدنيا واسال الثبات لي ولكل اخواتي المسلمات
هدا الجميع لمرضاته

جزاك الله خير ياود أنك فتحتي لنا باب النقاش بها الموضوع وأنا معاك انه صعب..
بس بقولكم مسألة الأكمام وانشاءالله مقدور عليها يعني جبنيز مدام الفتوي بتبيين الزند عند النساء مافيها شي والا نحط أي حركة بالكم وتنتهي المشكلة لكن المشكلة اللي تأرقني ضيق الفستان نفسه يعني إذا ماكان الفستان صبه على قولهم بيطلع شكله على جسمك مو ذاك الزود وأنا الحمدلله مو من الناس اللي تضيق مررره مرررررره لكن ولو أسمه ضيق مادام يحجم الصدر ويبين الخصر والباقي أنتم عارفينه وبعد البلايز أغلب اللي بالسوق واللي تطلع حلوة على اللبس بلايز مخصره ومحجمة الجسم .... ف أأأأييييشششش الحل برايكم؟؟؟؟

توني راده من عرس والله لوتشوفون اللي شفته تنصدمون وحده لابسه ستيان بوخيط عليه دناديش وتنوره ستريتش فوق الفخذ والظهر والبطن كله طالع والسره طبعا والايد والكتاف الله يعافينا استغفر الله ويت ترقص مصري وخليجي اله يهديها والتسريحه بوي حاشته حش الله يهديها كلمن كانت عينه فيها المشكله انها ماشالله عليها نعومه وتعرف ترقص وحركه وحلوه وايد فالله يستر من عين الحريم والبنات شنو بيصير لها
المشكله مو جذيه المشكله في التوصير اللي صار للفيديو يعني ماتفكر انه احد ممكن يشوف الفيديو اللي مصورينه للعروس الله يستر علينا

جزاك الله خير

لكن بماذا نرد على من يتعذر بقوله:
العورة من السرة للركبة ؟؟

وهل فعلا العورة من السرة للركبة؟؟