التعلق ، والحل ؟

الله يفرج همك وينفس كربك ويسعدك ياااارب في الدنيا والاخرة ويحقق لك ماتتمني ويرزقك من واسع فضله الصديقات الصالحات المعينات على الخير ياااارب العالمين

حبيبتي ,, تدري زعلك كله واي ردة فعل منك الآن




بتأخدها صديقتك بمعنى الغيرة ..!!! انتبهي حبيبتي




صار لي نفسك اللي صار ,, صديقتي انخطبت ومرررة فرحت لها


وكانت تصير بيننا مواقف نفسها اللي قبل ,, اول ناخد المواقف بشكل عادي


بعدين كل ردة فعل مني حتى لو انها من حقي تاخدها ع اني غيرانه منها هي انخطبت وانا لا,,


وللأسف حتى خواتي كانو يقولو لي اني غيرانه واني انا تغيرت !!




بقول لك موقفين




بعد ملكتها بفترة رحنا بيتهم ,, كانو راجعين من السفر


جابت ألبوم صور ملكتها ورتهم خواتي بالاسم ,, فلانه شفتيهم فلانه شفتيهم ,, الا أنا م ورتني هم !




لما رجعنا البيت خواتي جالسات يعلقو ع الصور ويقولو ذي الصورة عجبتنا ووو ,, الا يسألوني عن رأيي قلت لهم مادري ماورتني اياهم


قالو كان جيتي انتين شفتيهم عادي اصلا يمكن م انتبهت لك ! >> انتبهت لهم كلهم الا اني !




الموقف الثاني / كنا طالعين كلنا جميع عائلتنا وعائلتهم ,, ورحنا وجلسسسنا ,,عادة حنا نجس على اطراف البسساط عشان الاكل ف الوسط ,, الموهم جلسنا كل وحدة مكانها وهي راحت تكلم خطيبها ,, يوم رجعت تخيلي جلسست ف وجهي بالضبط ,, هذه جلستها واني صرت ورى برى الدائرة اللي جالسين فيها الاهل !


وذا كلموني خواتي وقلت لهم مواقفها يقولو من غيرت كان قلتي ليها ف نفس الوقت !! وش اقول هي ماتحس ,, ماتفهم !!!


















ومواقف كثيرة تدري متى ارتحت لما انشغلت ,, خلاص افتكيت ماازورها ولاتزورني الا اذا صار شيء ف العائله لاننا اهل ,,


وبعد فترة من زواجها انخطبت ع زوجي ,, واشوف بدأت ترّجع العلاقه من شوفني تسألني متى اشوفك !


بس حاليا انا متزوجه ومتغربه ,,








شوفي حبيبتي انا كثير تعلمت من مواقفها معاي ,,




تعلمت اني اطنشها ,, واتناساها من وجودها ف حياتي ,, وتعلمت اني مااشكي لاحد مواقفها معاي


لان مااحد يحسسس باللي انا احس فيه ,, ولا احد يقدّر دوم اطلع انا الحساسه وانا الغيرانه وهي الصح


ولا عليها غبار ,,




فنصيحتي لك اشغلي نفسك بعيد عنها ,, سوي بحوث للطالبات ,, اجتمعي مع خواتك


خليك هي تدورك مو انتي ,, ولما تقول لك تغيرتي قولي يتهيأ لك انا ماتغيرت بس انشغلت !




عيشي حياتك بدون ماتتعلقي بفلانه وفلانه ,, خلي اهلك نصف حياتك ,, والباقي عيشيه لنفسك

امييين وياكككك الله يسعدك على هالدعوات 😩💘

والله يااختي مريت نفس تجربتك بالضبط 
ثقي ان اي تصرف بيحسب ضدك وبيشوفوها غيره ومااحد حاس فيك 
فانتبهي تشتكي لاحد غير الله 
ترى والله اشتكيت وندمت قد شعر راسي اني اشتكيت لناس 
حسبي الله عليهم اللي لقاها فرصه واستغل نقطة ضعفي وكررها معي 
واللي جرحني واذاني حسبي الله ونعم الوكيل هو وليي نعم المولى ونعم النصير 
مااحد بيحس فيك غير ربي والله صدقيني ماينفعك غير ربك ثم انشغالك بنفسك 
وانتقاء ناس طيبه بس لا تتعلقي فيهم كثير 
من اللبدايه اجعلي لك حد معاهم 
سولفي وفرفشي معاهم واضحكي وتونسي بس انتبهي تحكين لهم تجاربك مع صاحبتك وشنو حصل لان يايكررون الموقف معاكي ياماراح يحسوا فيكي راح يسمعوكي كلام يسم البدن 

هلا حبيبتي آخر العنقود ،، أنا بقولك تجربتي اللي كانت قريبة منك .. كنت مثلك متعلقه ممممرا بصديقتي وحسيت مثلك ابي الحل لاني تعبت واحس روووحي ماهي معي وكنت ابي ارتاح ..
والله يا أختي ما راح تعلقي فيها إلا لما تعلقت بالله وبحبه .. صرت ألجأ إلى الله وأبكي وأبكي وأبكي وأقول يارب علق قلبي بك وبحبك واملأ قلبي كله بحبك ،، يارب اجعل حياتي كلها بطاعتك والبحث عن رضاك ودايم ادعي لأني كنت أرتاح ،، كنت اجلس بسجادتي ولحالي وأشكي لربي لأنه هو الوحيد سبحانه اللي بيفرجها علي والله يأختي ماهي الا فترة وأنا ناسيتهم حسيت وأنا ادعي ان ربي بيكرمني والله حسيت بالسعادة والراحة واني مرتاحة مرا ،،
صرت عادي تكون فيه والا ماهي فيه تدق وإلا ماتدق شعورري جدا عادي .. فعلا وقتها حسيت إن الانسان ما يستحق هذا الاهتمام وحاولي تكوني صداقات أكثر من واحدة ،،
اختي ياقلبي القلب إذا تعلق بأحد من الخلق ماآتى هذا الحب إلا من فراغ القلب من حب الله ..
اشغلي نفسك بحفظ القرآن وتدبره
و انصحك بالقراءة سواء بالتفسير أو السيرة أو أي شيء مفيد وانصحك بكتب الدكتور خالد المنيف مره استفدت من كتبه وانصحك بها كتاب افتح النافذة .. سبحان الله كانت القراءة تأثر علي وصرت أشوف اشياء بحياتي إنها لا تستحق أن أهتم بها أكثر من اللازم ..
اختي تأكدي واطمئني إن صدقتي مع الله ودعوتي بإخلاص أن الله يخلصك من هذا التعلق ، فأبشري والله لا يخيب من ألتجأ إليه ..
الله يفرج همك وييسر امرك ويملأ قلبك بالإيمان والراحة و السعادة ..