يا بنات الحين وقت التنزيلات الحلوووه تنزيلات نهاية الموسم وما تتفوت صراحه
جالسه افكر اروح اشتري بعض الاشياء غير الملابس عشان لسه ماعرف جنس البيبي وش رايكم واللي عندها نصايح تقولي بكريه واول مره متحمسه عاد 💃

ام لولي 

اذا انتي بكريه خذي الأغراض الأساسيه 
سرير البيبي انا اخذ سرير صغير زي السله سهل التنقل ويلم البيبي اما السرير الكبير اخذه حق بعد ست شهور وهذا خلاص استخدمه لعيالي كلهم وحاليا بنتي ام سنتين وثمان شهور فيه لين أولد استخدم الصغير وأكون طلعت بنتي في سرير عادي 

الاندر وير الفانيله اللي اتسكر من تحت تلم البامبرز أخذهم من بيبي شوب يجي ست فيه 3 قطع قطن هذي تاخذين 2 عباره عن ست قطع من عمر 0-3 لاتكثيرين للصغير لانه يكبر ممكن تاخذي 3 يكون مجموعهن 9 قطع لونهم ابيض حيادي 

خذي الفوط البيبي فوط صغيره مستطيله هذي للكتف وإنتي شايلته لو استفرغ وانا استخدمهم حتى يكبروا خصوصا الرشح تنظفين الخشم مايتجرح 
وفوط الاستحمام تكفي 2 انا حبيت مال إيكيا للأطفال 
الرضاعات والستيمر المعقم الرضاعات 
اللفه البيبي نحن راح نولد فالصيف تاخذين القطن 
كرسي الهزاز مش الاوتوماتيك انا بس أسدح البيبي فيه بس ما اهزه عشان مايتعود على الشل 

عربه البيبي اذا انتي تطلعين 

هذا اللي أتذكره حاليا 

ربي يسهل علينا انا نفسي ابدا اللحين وعندنا مهرجان دبي للتسوق بس احس نحن وقت المهرجان مانقدر نطلع من الزحمه والأغراض تخلص مايتم شي 

بنات حالياً الافضل تلتزمو الراحه 
واتركو السوق لين تتأكدو من جنس البيبي افضل 
انا ف بنتي بديت اجهز لها من السابع 
وماولدت غير اخر يوم من التاسع 
يعني لاتخافو معاكم وقت طويل تشترو 
والحين السوق اغلبه شتوي 
واحنا ان شاءلله ولادتنا ماراح يكون فيه بررد 
يعني كل م تأخرتو افضل 

مساء الخير 

امس دخلت الاسبوع التاسع الحمدلله 
واليوم نزلت مني افرازات مائيه بيضاء كذا مش كثير 
تحسون طبيعي ولا 

صبايا تمشون على حساب سونار ولا حساب ايام التبويض