ام روق 

عاشت ام زوجي معاي من بدايه زواجي تقريبا ست سنوات معاها وصارلها سنه انتقلت بيتها 

انا انسانه مسالمه كم تاذيت منها ولا كنت أقول شي 
ولا ارد عليها وتخيلي تفتش في أغراضي 
وتتكلم وتوصف فالحريم عند زوجي 
وماتطيقني مع اني هاديه ماتكلم وأقول ام زوجي وجدت بناتي 
وكل ما تاذيت منها أقول اللهم رد كيد من يكيد لي في نحره واللهم اجعل تدبيره في تدميره 
واحتسب عند رب العالمين لأني ما أقول لها شي 

وهذي هي طلعت من بيتي مثل الهاربه اول شي بدت تروح تجلس في بيت بنتها بالأسابيع وبعدين تجي تشيل أغراضها سكيتي وآخر شي انتقلت ولا قالت 
حتى أقول لزوجي ليش أمك طلعت من بيتنا بهالطريقه كأنها هاربه او حد قال لها شي 
ومن راحت عنا عرفت كيف انه مصاريف الواحد في بيت لحاله 
وانفضح اخو زوجي كان يتكلم من ورأي ويقلب امه علي 
سبحان الله وارتحت انا في بيتي 
واللحين ام زوجي من احسها تشيلني في عيونها وتندمت على كل شي وقامت تمدح فيني قدام زوجي وتشتاق لبناتي تدورهم 

شوفي ما احلى البعد عندنا مثل يقول مابتعرف قديري غير لما تجاور غيري او تجرب غيري 

انتي ادعي الله يسخرها ويشغلها بنفسها ويرد كيدها في نحرها ويسخر زوجج 
وبيني له انج تحبينها وودج تهدينها والله انه زوجي يستأنس يوم يشوفني مشتريه شي لامه هديه 

ربي يسخرها يارب ويحنن قلبها عليج 

ام روق الله يفرج همك ان شاء الله
وكل مهموم يارب

ام روق 
عليكـِ بسهام الليل 
افرشي سجادتك وادعي ان الله يهديها ويحنن قلبها عليك 
ويسخر لك زوجك 
واصبري 
طالما انك منتي غلطانه وقايمه بواجبات زوجك وبيتك على اكمل وجه 
تذكري ان الله ماراح يخيب ضنك 

والله يصلح الشأن 🌹

ياببنات انا احس بحركه خفييييفه في بطني
كأنه انتفااضه خفيفه
تعرفون شعور لما تكنونين جوعانه
حركه زقزقه البطن من الجوع نفس الشعور بس خفيييف
يمكن حركه الجنين وإلا يتهياء لي!!!!???
انا بالأسبوع التاسع باقي لي يومين واخلصه
من منكم مرت بالحاله

ام روق الله يفرج همك خلاص طنشي لاتتلصقي في زوجك واهتمي بنفسك وكلي ولاتفكري انا في حملي ببنتي مره وترت نفسي وبنتي طلعت جدا عصبيه ترى يأثر ع الجنين لاتتحسسي وارمي كل شي ورى ظهرك

مملوحه نفس حملي في بنتي كنت احس زي حركه الفراشه او رفرفه العين سبحان الله وتحركت بدري بنتي واللحين مستنيه لو خلصت التاني هل احس نفس الحركه الله اعلم

والباقي طمنونا عنكم كيف صرتو