التــــــارت

التارت 
المقادير 
كوب ونص دقيق ، نص ملعقة صغيره ملح.   نص كوب زبده بدرجة الحراره.   ربع كوب سكر أبيض. 1 بيضه. رشة فانيلا 

الطريقه 
نضرب الزبده والسكر بحيث تصير كريميه ثم نضيف البيض والفانيلا ثم نضيف الدقيق بحيث تتجانس وتصير عجينه 
ثم توضع بالثلاجه لمدة نصف ساعه ثم ترص بالصينيه وتضعين فوقه قصدير وتضعين بعض الاوزان مثل الارز او البن عشان ماتحترق  ان شاء الله فهمتي علي بالنقطه هذي 
وتدخل الفرن لين تتحمر اطرافها 



الحشوه 
6 صفار بيض 
5 ملاعق نشا 
ملعقة فانيلا صغيره 
كاسين الاربع حليب طازج ابيض 
5 ملاعق زبده 
نص كاس سكر 

الطريقة 
نضع الحليب على النار يغلي وبعدها نضع صفار البيض في زبديه والنشا والسكر ونخفقهم مع بعض وبعدها نضيف الحليب  المغلي شوي شوي على النشا وصفار البيض في الزبديه ونخفقه وبعدها نحطه على نار متوسطه وتحرك الى ان تثقل ونشيلها من على النار ونضع الزبده والفانيلا ونغطيها ونضعها بالثلاجه ساعتين 


وبالعافيه واي سؤال انا حاضره 

بعد اذن صاحبة الموضوع ابقولك
طيب يالغاليه مافهمت كيف نضع الارز او القهوه

هذي طريقتي

تارت الفراوله

العجينه

100جم زبده او سمن يعني نصف كاس
بيضه
ثلث كوب سكر
نصف كوب دقيق
نص ملعقة شاي بكنج بودر


تعجن المكونات وتوضع في الثلاجه نصف ساعه ثم تخرجيها وتوزعيها جيدا في صينية التارت في القاع وعلى الجوانب وتخرم(تخريم العجين يغني عن وضع الرز او البن ) ثم تخبز في فرن ساخن وتقلب في طبق وتبرد حتى عمل الكاسترد او حسب الصينيه اللي حتستخدميها


الكاسترد


بيضه
5ملاعق سكر
2 م ش دقيق
كوب حليب


تخلط المكونات بالخلاط الكهربائي ثم توضع في قدر على النار حتى تثخن مع التحريك المستمر حتى لا تتكتل ثم توزع على عجينة التارت وترص عليها فراوله طازجه مقطعه الى انصاص حوالي 300 جم


تدهن الفراوله بمربى فراوله تخفف بالماء وتوضع على النار مع م ش نشا وتقلب وتوزع عليها وممكن مربى توت او تغطية التارت الجاهزه حسب رغبتك

اقصد بعد ماتحطين العجينه بالصينيه تحطين بالوسط قصدير وتخلين الاطراف وتحطين على القصدير قهوه او رز بس عشان لاتحترق ولا تنتفخ.  تشغلين النار من فوق وتحت اذا حمرت الاطراف تسكرين عليه 


ان شاءالله شرحي واضح واي سؤال انا حاضره 

حلو