«®°·.¸.•° التـهـور .. مـشـكـلـه °·.¸.•°®»

الملتقى العام


*


*


*





يقول المثل الأسباني..


ما كل من طلب السعادة نالها........ولا كل من قريء الكتاب فهيم


<< لا يكثر...أدري :biggrin:


مبارك عليكم الشهر..

وكل عام وأنتم بخير..

ومن العايدين << نقصر العنوة..عشان ما تقولون لي ليه ما عايدتي..

خلاص أبريت ذمتي..والوجه من الوجه أبيض<< والله من زين النفس :hahaha:



لي كم يوم حاسه إني مب أنا اللي بالعاده..

:unsure:

ويوم ركزت فيني..وحققت معي..

اكتشفت إن فيني شوية زكمة..مع التهاب بالحلق..

قلت الحمدلله..

سهله ذي..

المهم ما يصير شي حول العقل..

لأن الرصيد شوي ويخلص..

وما فيه احتياطي..

:icon30:


وفجأه..

خطر ببالي شي..

تخيلي.. تخيلي هذي انفلونزا خنازير؟؟؟


اسمع بها ولا قد شفتها..

وش يعرفني يمكن هي!!..



وأنا أهوجس..

قال ابوي : تعالي تعشي معي..


قلت : شكلي فيني انفلونزا الخنازير..ملزم أنت؟؟


أبوي مطنش..عارف شطحاتي..




ومن ضمن الهواجيس..<< متى عمرك فكرتي زين..

جا في بالي المسجد..

الحين وشلون؟؟

اروح أصلي بكرى مع العالم ولاّ اسوي حجر صحي علي؟؟

وإذا سويت حجر..أصك الباب من جوى الغرفه..

أو من برى؟؟..

أسئله محيره..


إلا على طاري المسجد..

وش قصة الناس؟؟<< وش قصتك أنتي أول :biggrin:


ادخل..

ألاقي الحريم جماعات شتى..

نص صف..

فاصل..

حرمتين..

فاصل..

باقي الصف..

وحده بالصف الثاني لحالها..

ووراها خمسه بينهم فاصل..

مسوين تخفيض على الفاصل برمضان ولاّ ايه؟؟

متزاعلين يا كافي؟؟

القلوب مب صافيه..

والدليل الأجساد متنافره..

تذكرني بحال الأمة الإسلامية..

متفرقه..أحزاب..

لا كلمة تجمعهم..ولا يشكّلون يد واحدة..


الوحده جايه تصلي..وما علي من أحد..

ليه الأخلاق قافله؟؟

"أعطيك مفتاح غرفتي السابق ذكره أعلاه :hahaha: "

وين تراصوا..سدوا الخلل..؟؟

ترى مب بس للرجال..!!


إلى متى الاتكاليه؟؟

كل وحده تقول خلي هذي تجي..أنا مب متحركه..

عزيمة هي عزيمة؟؟

مستكثره الأجر على نفسك؟؟





إلا على طاري عزيمة..

ماالذي يحدث؟؟؟<< ارسي على بر أولاهـ :biggrin:



طبخات وحلويات وأصناف متعددة..

تقول الواحد مفجوع على الأكل له شهور ماذاقه..

وبعد ما يفطر يشبع على طول..

والنتيجة؟؟

أرزاق مصيرها للنفايات..


ونقول خلاص توبه نسوي كذا مره ثانيه..

ونعيد الموال بكرى وبعده..

وكل يوم يا حمد باكر..

" حتى حمد هذا حامت كبده :biggrin: "


وعلى طاريه..

صرنا ما نتشاوف كثير برمضان حنا والأقارب..

:blink:

طايرين هالعالم بالمطبخ ..والأسواق..والمسلسلات..

ألا قاتل الله الماسونيه << وش دخل؟؟؟

أو نجمّع الشوق والحنين لـ يوم العيد؟؟

المصيبة إننا في إجازة..

ومع ذلك نتشكى إن مافيه وقت..

سبحان الله..

حبكت يعني الحين؟؟

مب لازم من يمسي الواحد إلين يصبح وهو عندهم..

ساعه تكفي..

صلة رحم..يثاب عليها...


مب مشكله..



المشكله صدق لما أتهور أنا وتمسك معي اكتب موضوع..

ويطلع حوسه زي كذا..

مأجورين إن شاء الله على صبركم علي ..

:icon30:


ووبس..









17
1K

يلزم عليك تسجيل الدخول أولًا لكتابة تعليق.

تسجيل دخول

* تاج الوقار *
* تاج الوقار *
ههههههههههههههههههههههههههههههههههههههههههههههه

اقول اختي ماعدت انا من غاب جاب الغناااااااايم

بس انتي جبتي شقحاااااااااااااااااااات خخخخخخخخخخخخخخخ

موضووعك هذا تحدثتي فيه عن امور كثيره صلاة النساء بالمساجد
تضيييع الوقت بتحضير الاكل وبصلة الرحم حددي اي موضوع بالضبط خخخخخخ
عيوشه
عيوشه
هههههههههه دمك عسل الله يسعدك

بس ما قلتي لنا شنو اخبار الانفلونزا
سلة فراولة
سلة فراولة
خخخخخخخخخخخخخخخ ياشربات
أما سالفت الفواصل الظاهر تصلين بمسجنا يرتفع ضغطي من الفواصل
أما الفلونزا فلا بأس طهور إن شاء الله
أقول الظاهر بنسوي زيك نفتح أكثر من موضوع في موضوع واحد نوفر الصفحات>>>كثروا الشاطحات خخخخخخخخخخخ
IN HOME ALONE
IN HOME ALONE
يجنننننننننن الموضوع
كصاحبته

يارب يجزاك بالخير يا غاليه ويوفقك وين مارحتي
متفائله رغم الهموم
ما الومك ...احوالنا تجيب الهلوسة بدون حبوب