طبعا في كثير اطفال ماتحب التفاح ولكن مع هالطريقه راح يحبونه باذن الله او مرات نجيب كميه منه وماندري شنو نسوي فيه
اليوم جبت لكم طريقة التفاح المقلي طريقه سهله وسريعه والاهم لذيذه
المقادير :
3 تفاحات
1ك طحين
ربع ك سكر
رشة ملح
ثلث ك حليب سائل
1 ونص م بيكن باودر
1م قرفه
1 بيضه
ك= كوب
م= ملعقه
تخلط هذى المقادير مع بعض حتى يصير عندنا خليط ثقيل ومتجانس ويشبه خليط الكيك
نخرم التفاح بالخرامه الخاصه فيه ... وبعدها نقشره ... ونقطعه بسمك متوسط بس مايكون رقيق كثير ولا سميك
نغمس التفاح بالخليط من الجانبين ونقليه في زيت متوسط العمق.... ونخليه حتى يتحمر ونقلبه للجهه الاخرى ونحمرها ايضا وتترك على ورق النشاف
ونعمل عليه صوص السكر ... عباره عن 1 ك سكر بودر + 5 ملاعق حليب سائل .... وتخلط جيدا حتى تتجانس ونوزعه على التفاح المقلي
يقدم كع الايس كريم وممكن يرش عليه الككاو الهيرشي او التوفي
وان شاء الله تجربونها وتعجبكم
تسلم الايادي
وان شاء الله اجربة قريبا