اليوم يا بنات أبغى أطرح عليكم مشكلة لاحظتها بصراحة في منتدانا وفي منتديات الثانية المشكلة هذا هي طريقة بعض العضوات في طرح المواضيع ( بأدخلكم في الموضوع على طول علشان ما أطول عليكم )
أولاَ: مواضيع تكتب بعناوين مثيره وجذابه مثلا:
( تبغين تنحفين في أسبوع عشره كيلو أدخلي بسرعة لا يفوتك ..)
( خلطة تخليك بيضاء مثل القشطة وبشرة مثل الأطفال تعالي قبل فوات الوقت ..)
المهم مواضيع بهذا الأسلوب ,تجين تدخلين للموضوع جري وتقولين لنفسك أكيد طلبي هنا وإذا دخلتي تتفأجئين بالمكتوب في الموضوع أن الطريقة في الخاص ....!!!
وتخرجين من الموضوع وأنت ما تعرفين وش تقصد من موضوعها هل تقصد أن عندها وصفة تبيعها للتنحيف أو للتبيض
أو أن عندها وصفة سحرية وما بتكتبها إلى على الخاص حفاظنا على سرية الموضوع ..!!
طيب تكتب أن وصفتها للبيع علشان توضح للجميع لأن فيه قراء ماهم مسجلين ويبغون يستفيدون بعدين فيه قسم خاص للبيع أنسب لموضوعها تكتبها هناك
ثانياًَ: موضوع منسي يعني تجيك العضوة تكتب موضوع فيه تجربة أو طريقة طبخة أو سلعه أشترتها ( وتقط الموضوع وتروح )يجون العالم يستفسرون , يسألون ,يترجون , يصيحون :icon33:يبغونها ترد على تسألتهم وهي في عالم ثاني ...!!!
طيب ليه الوحده إذا كتبت موضوع ماتكمل جميلها وتابع موضوعها علشان تلقى دعوة حلوة
المصيبة أنك تلاقين أسمها مرتز مع اسماء (المتواجدين )أو أنك تلاقينها حامية في الرد على مواضيع ثانية وتركه العالم ورآها يحترق:icon28: ...
فيا ليت إلي فيها هذا الطبع لا تكتب أزين لها علشان ما تلقى دعوة من هنا ولا هنا ..
ثالثاً : أعضاء يشحذون الردود :09:...تجيك الوحدة تكتب نص الموضوع بعدين تكتب في الأخير إذا شفت ردود حلوه كملت
طيب ليه كذا ..أنت كملي جميلك وأن شاء الله بتجيك الردود الحلوة
بس الأسلوب هذا ماله داعي وغير حضاري بصراحة ...
رابعا ً : (الله لا يحلل إلي تدخل ولا ترد ) خير أن شاء الله وش له من داعي تحلف علينا :angry2:إلى نرد طيب يمكن أنا غير مشتركه
يمكن أنا مالي خلق أرد يمكن أنا مشغولة وهناك أسباب كثيرة تمنع القاري من الرد **
الآن يا أعضاء يا كرام وش رأيكم في هولاء الأعضاء وطريقة كتبتهم في المنتديات هل ترون أنها عادية أم أنها غير مرغوبة ..
:26:ودمتم بخير:26: