التفرقه والتفضيل

وش رأيكم بنات بموضوع
التفرقه
او التفضيل بين الأخوات
قبل أبدا يابنات انا صح احب امي
لكن ابد ابد ابد ابد
ماحس انها امي أتمنى فهمتو
عمري ماحسيت انها حنونه معي من كنت طفله وهي
قاسيه وكل حياتي معها تحطيم وسب
عمرها ماحضنتني او شي مادري كاني مو بنتها
يعني مثلا انا بكر
تحتي ثنتين خلونا نقول الاخيره مراهقه
وبعالم ثاني وطول وقتها بغرفتها
ماتدري وين الدنيا
الوسطيه
تقريبا من الصغر وكل طلباتها مجابه
كنت اشوف كيف امي تحبهم وتدلعهم💔

عكس طفولتي تماما
اختي الوسطيه
بسبب الزن يعني تزن لما تحصل الشي
وسبحان الله امي تأقلمت الحين عمر الوسطيه٢٤
تقريبا صارت اول ماتطلب تحصل الشي
اي شي يجي ببالكم
لدرجه امي تطلع بنص الليل مع اخوي
اجيبه لها
انا العكس تماما
تعودت منذ الصغر لاني البكر على
تسلط للأسف امي لدرجه كنت احس
انها تغار مني لان تقارن نفسها فيني !!
تقارني كثير كانت ببنات أقاربي بشكل يكسرني
زي احلى منك
اعقل منك
اشطر منك والحين
عمري فوق ٣٠ ومستمره
بكل شي وتحرمني من كل شي بحجه من وين فلوس
كنت اكتم واسكت لما صرت انفجر لما أشوفهم
يجيبون لاختي كل طلباتها وانا لو بطلب شي
ب٥ ريال
شفت أنواع المنه من امي وتقول كانت لاخواني
"اسفها" لما اطلب اي شي حتى لو بعشره ريال
يعني لاتعطيه وجه اخر شي صرت ابكي وأقول
انا اللي اكرف واسوي واحط كذا
لو اطلب اي شي ماحصله وأختي اللي بس نايمه
وعلى الجوال كل شي مجاب لها
صارت امي تردد تغارين منها
يالعانس وفيك وفيك وكلام يجيب مو بس الأمراض النفسيه يجيب الجنون
انا اصلا كلي الان محطمه والسبب امي
اختي عكس شخصيتي
تماما واثقه بنفسها جريئه
دلوعه قويه
وكل هذا بسبب حب امي لها
وأنها ماتسلطت عليها مثلي
صحيح الي قالو مو كل ام ام
اتوقع لو اتزوج
بخاف اطلب من زوجي شي!!
لان كان الطلب اي شي حتى لو فوط صحيه
مو من فلوسي مايحق لي !!
صرت اصلا ماعرف اطلب ولا اعرف اقول
اذا بغيت شي
مشكلتي انا مو حنانه زي اختي
ولا بارده زي اختي يعني مهما تهاوشها
امي تستمر بالحن
مشكلتي
حساسه فوق ماتتخيلون الحساسيه ذابحتني
جابت لي الجنون اخذ الكلمه بمحمل الجد
وممكن يوم كامل ماكل ولا شي بس مسكره على نفسي
وأصيح بسبب كلمه وهي اللي اسمها امي !!
مطنشه وكاني بهميه
مو انسانه مو بنتها
لو اموت اتوقع بالغرفة مادرت عني
انا اعرف ان الحب من الله
وياكثررررررررر الامهات اللي يفضلون بنت على بنت
وهالشي عادي
لكن اقل شي
يعدلون
الحب صح مو بيد الام ممكن تحب
وحده اكثر من الثانيه لكن العدل بيدها
ليش التفرقه
ولما تفرق وازعل تبداء الاسطوانه
انتي تغارين من اختك
انتي عقلك عقل بزر
شوفي بنات عمك !!
ماعليش شدخلني ببنات عمي تموت لو ماقارنت
بيني وبينهم
ومع كل هذا
بحياتها قالت لاختي الوسطيه شوفي بنات عمك ولا بنات فلانه بس المقارنات علي !!
التحطيم علي
السب لي
من يوم كنت طفله احس امي تفرغ فيني
لدرجه شخصيتي صفر اي كلمة تبكيني
اي كلمه تكسرني ثقتي تحت الصفر والسبب هالام
والمصيبه العظمى تدرون وشو
يمين بالله يابنات جعلني للموت الحين
لو كذبت للي بقوله
ان ماحد يخدمها غيري
ماحد لما تتعب يركض فيها للمستشفى
او شي غيري
ماحد يطبخ ويسوي كل شي بالعزيمه الخاصة فيها غيري
ماحد يشيلها غيري
ولا وحده من خواتي تجلس تتقهوى معها كل مغرب غيري
ولا وحده لما تبي اغزاض تتنازل تطلع معها
لمحل مواعين
او اي شي غيري
ماحد ينظف البيت غيري

ماحد يسكت ويتحمل
بالبيت غيري اقسم بالله اني هاديه
وموب متشرطه
خواتي خاصه الوسطيه لما تعصب
تجلس تصارخ على امي وتتلفظ عليها زي وش دخلك
كيفي وتأفف وترفع صوتها
مع كل هذا امي تعشق تراب رجولها
وأختي الصغيره نفس النمونه
بس منفسه على امي وبغرفتها وامي تعشقها
ولو يشوفون امي مريضه محتاجه شي
ولا وحده تقول يمه امشي المستشفى
او امشي جيبي اللي تبين كل وحده بغرفتها ومع صديقتها
والجوال والمسلسلات
طيب انا ايش ؟
العبده اللي مستعبدتها؟
او الشغاله حقتها ؟
موب فاهمه انا ايش وضعي بالضبط بالحياة