التفكير السلبي والحل

السلام عليكم
كيف حالكم بنات
اعترف زوجي من فترة طويلة بمشكلة نفسية ترافقه من سنين طويلة
الخوف من الموت والخوف من المستقبل

خوفه من الموت يترتب على أمرين
خوف نفسي مدرك مهما طالت حياته مصيره يلاقي الموت ويترك كل شي وراه وانه جاييه يوم ينسأل على كل دقيقة بحياته على هذا السبب اشوفه مجتهد جدا بالعبادات مع ذلك يبقى خوفه انه ربه مايتقبل منه
انه يكون ظالم احد او يكون عليه ذنوب يتعذب فيها ويتحاسب عليها

خوف ثاني انه يموت فجأة ويتركنا وعياله يصيرو ايتام والبيت يتدمر بعد غيابه
يدخل بدوامات التفكير السلبي الله يهديه ويكون ضعيف جدا
يخاف من فقد امه اخوانه أخواته يخاف من مستقبل سلبي
حتى انا يجيه وساوس اني امرض او اموت واتركه واترك البيت بعد ٦ عيال و١٦ سنة زواج

هو بنفسه مامصدق انه صار عمره فوق ٤٠ سنة وهو هذا التفكير ملازمه من سن ٢٠
ظاهريا مايظهر عليه ابدا هذا التفكير وهذا الضعف لي يظهر بيني وبينه فقط

حتى بناته يخاف على مستقبلهم اذا مات وتركهم
الحقيقة تعرض لعدة انتكاسات هذي الفترة خلت التفكير السلبي يرجع له
جاته أزمة قلبية قبل شهرين تقريبا وهو قاعد بين ربعه انقذوه منها
سبب الازمة لخصوها كثر التفكيرالسلبي والقلق واهماله لصحته

حاولت يراجع طبيب نفسي استجاب للفكرة وارتاح لكن بعدها رفض وقال خلي الحياة تمشي كذا
تخيلو الدوامة السلبية لي عايش فيها ولي حاولت اطلعه منها تكرار بس ماقدرت والله اشفق عليه لما اشوفه كذا متشائم بالحياة


ابغى حل مستحيل اتكلم عند احد عنه وعن حالته مهما يكون هذا زوجي وتعرفون المجتمع من كلمة بيعطي مليار تحليل وقصة
حاولت وحاولت وحاولت لكن عبس التفكير هذا متمكن منه