يوم وداعك :

انا حاليا بسووي التقشير الكميائي لبشرتي سويت جلستين وباقي جلستين...وهو عباره عن ماده سائله تنحط على البشره لمده دقيقه او اكثر ومرررررررررررررره تحرق بصراحه بس يمديكي تستحملي الالم وبعدين تحطلك الدكتوره كريم يبرد الحراره اللي في الوجه وبعد التقشير حاتحسي بشرتك صارت حمرا وبعد كم يوم ممكن تقشر وراح تعطيكي الدكتوره كريمات كمان تستعمليها في البيت وانتبهي تتعرضي للشمس في فتره العلاج خصوصا اليومين اللي بعد جلسة التقشير واذا اضرتي تطلعي حطي واقي شمس بدرجه عاليه وانصحك اذا تبغي تسويه روحي دي الايام بما انه الجو شوي فيه بروده لانه في الصيف مره راح تتعبي منه......وانا مسويته في مكه عند الدكتوره منى بيطار في مستشفى حراء ايوه نسيت اقولك انا بشرتي صايره والحمدلله مرررررررررررره رهيبه لدرجة ان الناس لمن يشوفوني يحسبوني حاطه كريم اساس((انا سويته علشان كان عندي اثار وبقع حب شباب وعنكز))...والله يوفقك

انا حاليا بسووي التقشير الكميائي لبشرتي سويت جلستين وباقي جلستين...وهو عباره عن ماده سائله تنحط...