مرررحبا اختي زيت الزيتون لاتقربينه اوكي لما تشربيه ممكن يغذي شعرك من جوى بس من برى اكبر غلطه ممكن تسوينها اذا انتي من اهل الرياض عندي شي خرااافي ياليت ترسلين لي رساله خاصه لانه الشحن يتعب راسي بصراحه .

بااااك سوووري ع التاااخير

جدول غيمة حنان اليومي:
عندي عدة خلطات وكلها مفيده الحمدلله بس يبي لها استمرار وانا ودي اضغط ع نفسي من الحين لين يجي العيد وان شاءالله شعورنا تصير تهبل
1\خلطة الزبادي
نزلتها في موضوع لكن للاسف طار مادري وين راح هع
زبادي-مايونيز-حلبه مطحونه-سدر مطحون-اكليل جبل مطحون-اي زيت عندك-حمام زيت (فاشكول او بانويل)

تخلطينهم مع بعض وتخلينهم بشعرك ساعتين او ثلاث ع راحتك وغطيه بكيس وبعدها اغسليه عااادي بالشامبو وبلسم

وللريحه خذي نعناع مجفف وانقعيه بمويه وصفيه ولاغسلتي شعرك من الخلطه شطفي شعرك فيه وبس.

2\خلطة الزيوت:
زيت املا-زيت نارجيل-زيت سمسم-زيت جنين القمح-زيت حبة البركه
تخلطينهم مع بعض في قاروره وتضيفين لهم ملعقه محلب مطحون ولاجيتي تستخدمينه رجي العلبه .

3\حمام الزيت:
يابنات هذي مو خلطه لا
تجيبين زيت السمسم وتحطينه بشعرك والافضل يكون رطب وتلفينه بفوطه حاره وتخلينه من ربع الى نصف ساعه وتغسلينه بالشامبو

ونفس الطريقه لو حبيتي تحطين حمام زيت جاهز او مايونيز وتلفينه بالفوطه وبس



استخدام الاشياء هذي يكون موزع في الاسبوع مضبوط ولازم فيه ايام راحه يعني يوم ورا يوم
مثلا
السبت خلطة زيوت
الاحد راحه
الاثنين حمام زيت وهكذاا
------------------------------
وللتطويل استخدم عشبة الاس منقعتها في مويه ومصفيتها وحاطتها برشاش مويه بلاستيك وكل صبح ارش منه ع فروة الراس نفسها والحمدلله احس شعري طال بعد ماستخدمتها


اتمنى فعلا اني افدتك وركزي ع عشبة الاس تراها تطول الشعر وبالنسبه للزيوت عادي اي زيت ترتاحين له مو شرط تخلطين اكثر من زيت

في امان الله