التقصير وما اذراك ..للمغتربات المتزوجات

مرحبا اختي صاحبه الافكار وش قصدك تقصير تعرفين هو ما اغترب الى من اجل تحقيق الطموح اذا هو يدرس تعرفين هنا النظام مره ضغط من بحوث ومحاضرات هو ماجاء عشان السياحه والترفيه اصبري على ذلك فقط احتسبي الاجر من الله

الله يوفقهم هم ماجو إلا للدراسه وإحنا ماجينا معهم إلا علشان نهيئ الجو لهم..
وهم مايقصرون معنا إذا صار بالويك إند وبالإجازات يمشوننا هنا وهناك..
والله الحمد لله مانحس بالطفش طلعات حدايق مع البنات ووساعت صدر .

اختي الزوج في النهايه يبني مستقبل عائله بأكملها ولم يكن اناني في كل تصرفاته بالعكس احس احنا الانانيات فالله يعينهم ونقدر نجتاز هذه المرحله لمساعدتهم لانهم بصدق يستاهلون كل سبل الراحه ويكفي انهم يحسون بالذنب ايام الامتحانات كل ما طالعو فينا وهذا بالنسبه لي كفايه لان اهتمامه بي وبولدي فوق الحد.....

انا بعد رايي من راي الاخوات هي كم سنه ونرجع لازم نتحمل ونصبر والتقصير هذا مو برضاهم بالعكس .

بس برضه يااخوات ...

هل حنا لو تغربنا عشان نحقق طموحاتنا هل بيرضى رجالنا نقصر في حقهم ؟؟؟:)

خل نكون صريحين ...ليه دايم المرأة هي اللي تدفع وتعطي؟؟؟:)


صحيح هذا من اصل فطرة المراة والانثى انها تعطي وتمنح بدون ماتنتظر رد الجميل ..


لكن بعد من الخطأ اننا نعود ازواجنا على الانانية وانهم بس ياخذون ياخذون بدون مايهطون

لأنهم هم نفسهم بهالطريقة يجيهم يوم ويملون من الأخذ والدلال والترف ويبدون يحاولون يغيرون حياتهم ...

وتعالي شوفي ...يااما يبدا يدور على وحدة ثانية او يكتشف نفسه في عالم آخر...

وانتي اللي تدفعين الثمن وحدك لأنك اعطيتي بدون ماتاخذين ...

القرآن الكريم وجهنا وعلمنا وصنع من كل وحدة منا امراة قوية تاخذ حقها بيدها....


ليه حنا نجي نسوي نفسنا مثاليات على آخر زمن ونتنازل عن حقوقنا؟؟؟


الا خليه يسدد ويقارب...طبعا بالأسلوب الحسن وبالقوة اللي منحنا الله ايانا احنا يالاناث ..


احنا فينا قوة الانثى الضعيفة...واللي مايقدر الرجل يقاومها مهما كان.قوي او متكبر...

.لكن كل وحدة دورها انها تحاول تكتشف هالقوة في داخلها ومن خلالها بتحصل على حقوقها باذن الله...