هلا اختي عنادي
انا جربته وماصارلي اسبوعين بس انتظر كم يوم علشان افحص الحمل ادعيلي
اما عن شلون طريقته صدقيني عندي انه احسن حل للعلاج اول ماجينا الدكتور عطى زوجي فيتامينات
ووعدنا نجيه ثاني يوم الدوره وجيناه بالموعد وسجلي ابر آخذه لمدة اسبوع وبعد ماجيته سوالي سونار وبعده قالي راح نعطيك ابر لمدة ثلاث ايام زياده علشان بويضاتك تكون بالحجم اللي نبيه
المهم اخذت الابر لمدة ثلاث ايام وبعده جيته وسوالي سونار وبعد ماشاف بويضاتي قالي خلاص راح نعطيك ابر التفجير اللحين وتجينا بعد 36 ساعه واخذت الابره وجيته بالوقت اللي قالي عليه
واللحين جات وقت العمليه .. اخذوا المني من زوجي وحطوه فيني صراحه ماحسيت بشيء الا بعد دخول المني لأن جاني عوار ببطني وظهري بس الحمدلله بعد ساعه اختفى العوار وقمت من السرير وطلعت وقالي الدكتور افحصي بعد اسبوعين وبشرينا والى الآن انتظر اليوم اللي افحص فيه ادعيلي ^_^ عاد انتي لا تشيلين هم وانشالله تحملين من اول تلقيح يارب
على فكره خليك على ظهرك خلال اسبوعين بعد التلقيح

جزاج الله الف خير يا اختي oOROo

وان شاء الله تكون نتيجتج ايجابيه وتكوني حامل....الله يفرح قلبج وقلبي وقلب كل مشتاقه لضمه النونو

اشكرج عزيزتي عالرد....

بس بغيت اسأل هل اخذتي مسكن قبل؟

و شنو الفيتامينات اللي اخذها زوجك؟

انا اليوم رحت للدكتور وعمل لي سونار وقال لي اخذ ابر 3 زياده من اليوم بس يوم وترك...والاثنين اراجعه وبيسوي لي التلقيح....

الله يعين وان شاء الله يكتب لي هالمره الحمل ياااااااااااااااااااااااااااااااااااااااااااااااااااارب

ويكتب لكل محرومه ان شاء الله

وعندي سؤال ....انا الاسبوع الجاي اللي بسوي فيه التلقيح اسبوع مزدحم عندي دورات على اجتماعات على زيارات ......

واخاف ان ما يضبط الموضوع .... عشان سالفه الراحه

فشرايكم اكنسل كل شي؟؟

ولا اداوم؟؟؟

لاني لو تاخرت عن هالاجتماعات بنسحب من الشغل.....

وكل وحده عنها معلومه او تعرف شي لا تبخل فيها علينا جزاكم الله خيرا

هلا اختي عنادي
تسلمين والله على هالدعوه والله يرزقني واياكم بالذريه الصالحه
والعمليه من غير مسكن لأنها ماتستاهل بنج ماكو عوار تحسين فيه انشالله
وكنسلي هالاجتماعات وكل شيء وارتاحي لأني انا مثلك وصارلي اسبوعين ماداومت
بالمعهد وشكلهم راح يفصلوني بس اهم شيء عندي ان العمليه تنجح واحمل والدراسه لاحقه عليه انشالله
وبعد لاتمشين كثير ولاتشيلين شيء له وزن وحافظي على نفسك حيل و خليك
على طول على ظهرك وخصوصا الاسبوع الاول
والله يكتب اللي فيه الخير

الله يرزقك ان شاء الله واياي وجميع المؤمنات........ذرية طيبة مباركة .......

انا عملت تلقيح قبل شهرين والحمد لله ...لم يكتب لي الله الحمل...

وهو لا يحتاج الى تخدير لأنه نسبيا لا يؤلم فقط القطعه التي يدخلونها قليلا تؤلم لاني كنت مفزوعة المتني ....بس لو كنت ريلاكس كان ابدا ما حسيت بألم.....

وعزيزتي الحين ما ينفع تكنسلينها لأنك مثل ما قلت انك اخذتي الابر ...فحرام تخسريها ...توكلي على الله وسويها وكنسلي الاشياء الثانيه وربي يوفقك....

ادعولي يا بنات...