التلقيح الصناعي المنزلي .. عن تجربة

السلام عليكم
انا متزوجة من 6 سنوات وعندي بنوتة بعد ماجبتها صرت امنع
وصار لي تقريبا 10 شهور احاول احمل ولا حملت
راجعت مستشفيات وكل اموري طيبة لكن زوجي عنده ضعف في الحركة
الحركة الامامية السريعة 12%
والحركة الامامية البطيئة 33 %
كتب له الدكتور فيتامينات وخلطة العسل وحبوب غذاء ملكات النحل لكن للاسف ماصار حمل
قبل شهر شفت مووضع بمنتدى عن وحدة حملت عن طريق التلقيح الصناعي المنزلي وعند زوجها ضعف في الحركة
قلت بجرب خصوصا اني اخذت ابر تفجير اكثر من مرة وماصار حمل
رحت محلات المستلزمات الطبية وخذت لي قسطرة حق بول الله يكرمكم مقاس 10
وعلبة بلاستيكية لجمع العينة
وأبر مقاس 3 ملل ،، الابر اخذتها من الصيدلية لان محلات المستلزمات مايبيعون بالحبة
اخذت لي من كل نوع 5 حبات
الطريقة بسيطة مرة
اول شي لازم تقصين من القسطرة لان القسطرة طويلة تقصين منها تخلين طولها 20 سم
ثاني شي لازم ينزل الحيوانات المنوية بالعلبة البلاستيكية
ثالث شي يدخل القسطرة وانتي منسدحة على ظهرك ورافعة رجولك ويفضل تحطين شي تحت ظهرك
رابع شي يسحب الحيوانات المنوية بالأبرة من دون مايحط السن الحاد حقها ويدخلها بالقسطرة ويضغط الابرة يدخل السائل المنوي كله بالقسطره
خامس شي ارفعي رجولك او سنديهم ع الجدار ساعه او نص ساعه لاتتحركين
** اهم شي الادوات تكون جديده و ترمينها مباشرة بعد كل استخدما
في كل يوم تستخدمين ادوات جديدة
وطلبت لي من موقع امازون جهاز كلير بلو لمتابعة التبويض
اول ماخلصت الدورة ابتديت اسوي اختبار كل يوم بالصباح
باليوم ال 11 طلع لي الهابي فيس يعني افضل يومين للتبويض
ابتديت بعدها بيوم بالليل .. لأني ودي احمل بولد (يقولون ان فرصة الحمل بولد تكون اكبر اذا وصل الحيوان المنوي والبويضه موجودة )
سويت باليوم ال ١٢ واليوم ١٣ عن طريق القسطرة
واليوم ١٤ سويت جماع طبيعي
امس كان وقت الدورة وجاني فضول اسوي تحليل بالرغم من انها ما تأخرت .. سويت تحليل منزلي بالبداية طلع لي خط وبعد دقيقتين طلع لي خط باهت ومرره فرحت بس مو مصدقه
رحت على طول اقرب مستوصف وسويت تحليل دم
والحمدلله طلعت حامل وعقبال كل وحدة ودها تحمل
مدري بصراحة هل السبب من بعد ارادة الله التلقيح الصناعي او مجرد صدفة
الي تحاول تحمل وزوجها عنده ضعف في الحركة تجرب الادوات من مابتكلفها اكثر من 40 ريال
جهاز التبويض سعره ب 220 اعتقد فيه 20 اختبار
لكنه مو ضروري للي مايهمها نوع الجنين


دعواتكم ان الله يسهل لي ويتمم لي على خير وعقبالكم يارب