التنازل--وعجب العجاب

الله المستعان !

وهالناس لو مالقوا ناس تعطيهم وجه .. ماوصلوا للي وصلوا له الحين !

صادقة يااختي لا واللي يخليك تضحكين قهر اذا كتبوا عندي شغالة للبيع يعني ملكتها واكيد الواحد بيفكر مليون مرة قبل انه ياخذها حتي من مكتب الاستقدام فكيف من شخص كرفها سنة وما يدري وش مسويه به
صحيح العالم بعضهم راح من وجييهم الحياء خصوصا اللي متخذين المسالة تجارة اما اللي ضروفهم خلتهم يلجاون لهذي الوسيلة الله يعينهم

والله امي اخذت شغالة نقل كفال ب9 الاف ريال مع 4 شهور من رواتبها الشهر ب800 له 5 شهور مشتغلة ولمن سالنا صاحبتها عن سبب التنازل قالت ضروف ماديه صبعه
واكتشفنا ان الشغاله سيئة جدا يعني حقت رجال
والشغل زي قلتة وجريئه جدا بس بعد ما وقع الفاس بالراس
لاحنا قادرين نسفرها لان الوالدة محتاجه جدا لها ولاقادرين نبلى احد ثاني بها
الله يكفي امي شرها

والله اني شريتها ودفعت كل الي عندي وفي الاخر بس شهر ثم انقلبت مثل الذيب وسفرتها

الله لا يعطي النصابين عافيه

انا أخذت شغاله من مكتب نقل كفاله ظروفي وقتها ماتتحمل أنتظر وقت الإستقدام ومدحوها لين وصلوها السما ولماسالت عن كفيلها السابق قالولي مسافر برى واصريت على الرقم وقامو عطوني رقم مفصول
وسبحان الله وألاقي رقم الكفيل السابق مع الشغاله وأكلمه قالو لي أنها ماجلست معهم غير 16 يوم فقط مع أن المكتب قالو لي لها 6 شهور وسبب رفضهم لهذي الشغاله جايبه معها بودرة سودا وأعمال سحريه جاهزة للشر
وماكملت معي شهر إلا وحضرتها قاعدة تدفن لي أعمال سحريه في الحديق لا ومسويتها بنفسها طلعت الأخت براسها معلمه سحر
هذي قصتي مع نقل الكفاله ورجعتها ولم أنقل كفالتها لكن للأسف دفعت فلوسها والمكتب فص ملح وذاب