السلام عليكم ورحمة الله وبركاته
خواتي الغاليات،،
احترت عن ماذا اكتب لفعاليات قسم الحياة الاسرية
فكل المواضيع تم التطرق إليها ،، سواء سابقا أو في هذه الفعالية
ولكن في النهاية قررت أن اتكلم عن سلوك , التناقض في قراراتنا وانطباعاتنا الشخصية, لأمور تحدث في علاقاتنا الأسرية
وهذه الأمور تحدث هي نفسها, ولكن في موقف نكون راضين عنها ونمدح في صاحبها, وفي آخر نذمها ونذم صاحبها وبقوة
مثلا
لو قالت لك صديقتك, زوج اختي طيب وحبيب مررررة , دايم يتواصل معنا ,واذا احتجنا شي يسويه لنا
تصدقين أمس جاي يودي امي المستشفى يوم عرف ان اخوي انشغل
وأكيد انتي بتمدحين فيه وتقولين الله يجزاه خير بصراحة رجال وحبيب وطيب وابضاي ووو
طيب لنعكس الصورة ونفرض ان اخوك سوى نفس الشي مع اهل زوجته, يا ترى هل بتقولين عليه طيب وحبيب
وإلا بتقولين , اخوي انهبل و زوجته كلت بعقله حلاوة شكلها ساحرته بس يلحق وراها ويخدم اهلها , وتحاولين تشيشين اخوك عليهم
طيب خلينا ناخذ المثل من زاوية ثانية, لو اخوك المتزوج دايم يطل عليكم ويخدمكم ويتواصل معاكم باستمرار
ولو احتجتي شي سواه لك , واذا فلوس عطاك,
اكيد بتمدحين اخوك وتقولين عليه حبيب وطيب
الله يخليه لنا ما يقصر دايم وهو حولنا يشوف طلباتنا
طيب لنفرض ان زوجك أهو اللي يسوي كذا لأهلة , يا ترى وش بتقولين , غالبا بتزعلين وتقولين ياربي منهم ناشبين لي بحياتي
دايم وهو عندهم ومقصر علينا , وممكن تتخانقين معه وتكبرين السالفة وتوصلينها للطلاق والا زعل فترة طويلة
عشان كذا يا خواتي لازم نوقف مع انفسنا وقفة , و ننظر للحياة بمنظار العدل , وما تطغى علينا انانيتنا وحبنا لذاتنا
ومثل ما تتمنين اخوك يكون معك طيب, حتى اخت زوجك تتمنى اخوها يواصلها ويكون معها لو احتاجته
ومثل ما تتمنين زوجك يحب اهلك ويواصلهم , حتى (زوجة اخوك) تحب زوجها يكون حبيب مع اهلها ويتواصل معاهم
دايم اختي حكمي عقلك , وحطي الأمور بنصابها الصحيح , كوني عااادلة
وحبي لغيرك مثل ما تحبين لنفسك
وتذكري ان عيالك بيكونو الضحية في كل شي يصير,و لو سمعو منك كلام في حق اهل ابوهم بيتعقدون ويتعبون
وإلا اقل شي في المستقبل ,عيالهم مو بحابين بعض لأنك انتي فهمتيهم ان أهل ابوهم ما لهم عندنا شي, ولا لهم دخل فينا
حضرتيهم لنفس الحياة اللي تبينها لأهل زوجك
والدنيا دوارة أختي
هذا والله من وراء القصد
اتمنى ينفع الله بما كتبته
والف شكر لكل القائمين على الفعاليات
وموضوع رائع وسلس ومشكلة تعتبر من أكبر المشاكل التي نعاني منها في مجتمعنا
والتي ان امتثلنا بقوله عليه أفضل الصلاة والسلام
(لا يؤمن أحدكم حتى يحب لأخيه ما يحب لنفسه .. رواه البخاري
)
لتجاوزناها بكل سهولة
جزاك ربي كل خير .