التهابات

لازم تروحين للدكتوره وهي تعمل لك اللازم لاتهملين روحك استخدمي غسول البيكربونات واغلي بابونج وصفيه واعملي منه دوش داخلي يقلل من الالتهابات

وعليكم السلام ورحمة الله وبركاته .

شوفي اختي .. انا وحده تعبت تعبت من الالتهابات ودخت وانا افر عند الدكاتره وبالنت لين الحمدلله انقطعت عني الله لايردها .


اذا الالتهاب متازم معك كذا فلازم تحلي الموضوع من جذوره .

اولا شيلي المانع اذا كان لولب واضح بما ان الالتهابات تتكرر معك انه ماناسبك كثير ، وخليك على الحبوب او مانع اخر يناسبك .

ثانيا المفروض انتي وزوجك تاخذو علاج مو انتي فقط .. وتمتنعو نهائي عن الجماع في وقت استخدام العلاج سواء كان مرهم او تحاميل او مضاد او غسول عشبي ،، مو عطري .

اذا انتي عالجتي وزوجك عنده عندوى منك وش الفايده ؟ اول ماتتركي العلاجات وتتشافي بترجع لك .


روحي الصيدليه وقولو له نبي كورس مضاد تاخذيه انتي وزوجك مايحتاج وصفه طبيه الا اذا زوجك عنده مشاكل صحيه .. بيعطيكم حبوب ويشرح لكم طريقتها .

بعض الدكاتره يصرف مرهم فيه كرتزون مثل اليكا ام ،، هذا يبرد من قلب لانه يقتل الفطريات لكن اتوقع انك عارفه عواقب الكرتزون .. اذا كنتي ماتقدري تنامي الليل من الالم ممكن تحطي مسحه خفيفه منه وتغسلي يديك من اثاره بالصابون .. وماتستخدميه اكثر من اسبوع .

واذا خايفه منه عندك بديل هو زيت جوز الهند .. ممتاز وروعه عن تجربه خصوصا لو خليتيه بمكان بارد .

الثالث انكم تلتزمو فعلا بالعلاج ، لو تهاونتي به او نسيتيه ايام راح تاخذ الفطريات مناعه ضد العلاج .. وماتستفيدي الا ان علاجها راح يكون اصعب واصعب .


وساعدي جسمك يقاوم هالفطريات باكل الزبادي على الريق ،، واكل الخضار والفواكه والاكثار من شرب الماء والثوم في الطبخات والامتناع عن السكر هذا اللي يغذيها اصلا .. وتشطفي زين وتنشفي بمناديل ولاتلبسي كلوت ،، واللي تلبسيهم اغسليهم في ماء حاااار .. وخليها تنشف بالشمس .

واذا عندك اطفال تغسليهم وتشطفيهم لاوصخو انتبهي عليهم من نفسك ويديك غسلي يديك زييييين من اثار الحمام لانه يعديهم خصوصا البنات.

الاخير المحافظه على النظافه الشخصيه مثل ادوات الحلاقه .. ارمي اللي عندك واستخدمي امواس فينس اللي تستخدم مره وحده وترمى نهائي مو تغيري الراس او الموس .

وحاولي ماتكثري العلاجات لانها تضعف مناعة الجسم في مقاومة الفطريات ،، اصبري قد ماتقدري على المها وخلي جسمك هو اللي يرجع توازنه بنفسه ويحاربها حتى تكون عنده مناعه طبيعيه منها خصوصا لو تركتي سبب المشكله اللي هو اللولب .

او تتشطفي بعض المرات بمره منقوعه في المويه ولاتتقربي الملح يزيدها ويهيجها .

معلش طولت عليك لكن انا عانيت منها وحليتها بهالطريقه والله يشفيك منها .

الله يجزاكم خير يارب


انا مو حاطه لولب. انا استخدم حبوب منع حمل


انا رحت لها الدكتوره قالت عندك قرحه


وانا ما عندي لا إفرازت ولا ريحه

انا الدكتور كان يقولي تشطفي بملح لانه عندي بعد شرخ

اه عفوا فهمتك خطا انك مركبه لولب.
انا كنت استخدم الحبوب لمدة سنه ثم ضربت علي الالتهابات مره ورا الثانيه .
هي تسبب التهابات بشكل عام لان ممكن تغير من قاعدية المهبل بعد مرور فترة على استخدامها .
الملح انتهي منه يهيج زياده انا كنت اغسل به احسب بيعقم المنطقه وزادها سوء .
حاولي تتشطفي من الخلف فقط ومايجي شي لقدام .، المره كانت كويسه ما اثرت بتهييج زياده وهدات مني .

القرحه امي كانت فيها وكوتها كي بارد .. مدري اشتكت من افرازات لكن كان معها الم قوي بالظهر .

ممكن تشوفي راي وحده ثانيه او تكتبي بالنت اعراض القرحه وتقارنيها باللي عندك .

الله يشفيك مما فيك .