التهاب البروستاتا

السلام عليكم خواتي...........
للي ماتعرفني واللي ناسيتني انا والحمدلله عندي 3 بنات وولد ومن الصيف شلت اللولب بنية الحمل وكلي امل ان ربي يرزقني الحمل بذكر سليم معافى اخ لوحيدي..........بدات مراجعة مع دكتورتي ومتابعة التبويض من شهر رمضان كل شهر كلوميد ومتابعة تبويض وابر تفجير ودفاستون ولكن ربي ماكتب لي الحمل للان في آخر مراجعة قالت لي كل شي عندك سليم خلي زوجك يسوي تحليل للسائل المنوي بس عشان نتاكد انه سليم عشان نتابع لانه حرام تستمرين باخذ المنشطات مدة طويلة بدون ما نتاكد من تحليل زوجك وللعلم انا زوجي سريع الاصابه بالانفلونزا و من بداية متابعتي وهو الحساسية والانفلونزا والبرد مو عاتقينه يخلص مضاد حيوي يرتاح اسبوع عشرة ايام ويرجع مرة ثانيه كم مره نصحه الدكتور ياخذ ابرة الانفلونزا عشاتن تقلل من حالات البرد والحساسية اللي تجيه لكن لا حياة لمن تنادي طبعه بارد وصبور .....الله يحفظه من فتره صار معاه حساسيه واحمرار بالمنطقة اللي بالكم وراجع بطواري المستشفى ونفس يخف الالتهاب ويرجع لحد ماطفح الكيل عندي لما صابتني الالتهابات وكانت من فترة تجيني واعالج وتروح وترجع بعد عملية الجماع .........فطلبت منه يراجع اخصائي امراض جلديه وتناسلية ومنها بالمره يسوي التحليل وراجع عند دكتور مشهور عندنا بالكويت ..........طلع عنده التهاب بالبرستاتا وزيادة بلزوجة السائل المنوي
ونسبة الحيونات المنويه 50% عطاه علاج لمدة شهرين ومتابعة بعد العلاج...........هذرت وايد ادري بس احس نفسيا تعبانه ومااقدر اشكي له عشان مابي ازيد همه .............. فياريت بنات اللي زوجها كان عنده نفس المشكلة تقولي شلون تعالج وهل ممكن يصير حمل ولا لأ ..............وجزاها الله خير اللي ترد واللي ماترد