التهاب الصدر احد يساعدني

بنتي كان مثلهاوكانت ماتنام لانهاتختنق وكنت اعاني كثيروماتحب المستشفيات من كثرمايعذبونهابالمغذيات نصحتني ممرضه اعطيهاشاي اطفال مع نعناع في الرضاعه كانت تشربه وترتاح وتنام واذارفضته اعطيهابينه سكرنبات وتشربه والله يعافيهالك

اسمعي مني انا خبره بهالمرض اول ماتشوفين اعراضه علطول يوم كوب حلبه محلى بعسل ويوم كوب يانسون محلى بعسل لمدة اقل شي اسبوع واعطيها عصير جزر او جزر مبشور المهم لازم تاكل جزر وسوي خلطه اعطيها منها ملعقه كل ماتذكرتي وهي ليمون عسل زيت سمسم اخلطيهم واعطيها اقل شي مره يوميا ولازم طبيب عشان يعطيها علاج مثبط للحساسيه هذا يقطع الكحه من نفس الليله ان شاءالله وبيعطيها بخاخ انف لو انفها مسدود وبيعطيها للرشح لو انفها يسيل وعندها حكه فيه هالمرض مايحتاج مضادات واي طبيب يعطيك مضادات اعرفي انه طبيب ادويه لاغير
اتبعي وصفاتي مع العلاج ورديلي ع الخاص
ودايما دايما مع هالمرض كافحيه من اول ماتلاحظينه بدا يعني عادة هو يبدا بانسداد الانف
علطول كافحيه بالوصفات اللي قلتلك لانها تموته قبل مايتفاقم وتوصل للموسع والاكسجين الخ
انا زمان كنت ماعرف واجري ع المستشفيات والحين ماشاءالله لاقوة الابالله صرت اعالج عيالي بنفسي والسبب بعد الله اني عرفتله وصرت اكافحه وجربت كل الوصفات اللي قريتها واللي فعلا جابت نتيجه هي اللي كتبتها خاصة الجزر خليها تاكل جزره كبيره كامله او اعصريها
على فكره ترى عند عيالي في اشد حالاته واصعبها وكانو يوصلون لدرجة الموت خلاص اوصل لمرحله اتفرج عليهم واصيييح معاد يتنفسون وترجيع وحتى الادويه ماتفيدهم
وقبل كم يوم خلص واحد منهم من الازمه بس الحمدلله كافحتها صدق تطول الازمه بس تكون خفيفه وماتحتاج طبيب والله يشهد على كلامي

مازيد ع كلام الامهات

بس زيت السمسم ادهني صدرها وهو دافي ع طول ينزل البلغم بالبامبرز 
وعسل وليمون حلو للالتهابات 

ربي يطمنك ع بنتك

الله يسعدكم ماقصرتو وربي يشفي عيالك كاندي بقوم ابشر لها جزر واسوي اللي قلتو عليه لانها مرره ماتاكل

وش أعراضه ؟