التهاب المعده او جرثومة المعده؟؟؟

عواطف تركي :

وعليكم السلام سلامتك ما تشوفين شر انتي عارفه اساس البلاء اكل المطاعم اللي ماتدرين عنه نظيف او مليان تراب وجراثيم وفوقه كثرة المشروبات الغازيه اللي تحرق معدتك مع المريء ما اقول احرمي نفسك لكن قلليها بالتدريج لكن حالياً وقت الالتهاب نصيحه اقطعي الغازيات والمطاعم على الاقل اسبوعين الى ان ترجع معدتك تتعافى وتقوى سبحان الله المعده هي بيت الداء والدواء فلا تستغربين كيف نفسيتك معفوسه ومقلوبه لان المعده هي اللي من خلالها توصلين الوقود الفيتامينات والمعادن لباقي اعضاء الجسم عشان تشتغل صح واذا تعبت الخلل يوصل لكل الجسم نصيحه ابدأي من اليوم اكل صحي قد ماتقدرين وخففي اللحوم والدهون والسكريات وافتحي يومك بكوب ماء ممزوج بعصير ليمونه ثم اشربي بعده كوب كبير ماء ثم بعد دقايق كلي علبة زبادي صغيره مع فصين ثوم مهروس الزبادي والثوم مفيد جداً للمعده واحرصي ان اكلك طول اليوم يكون مقسم 5 أو 6 وجبات خفيفه ويغلب عليها الاكل النباتي خضار وسلطات خضراء بقوليات رز خبز شوفان شوربات لكن بدون دهون ومقالي وفلفل والكميات تكون بسيطه ولعلاج الالتهاب والحموضه وتخفيف الالم اشربي بابونج سويه مثل الشاي خذي ملعقه منه على كوب ماء مغلي وغطيه 10 دقايق ثم اشربيه مثل الشاي وكذلك العرقسوس ممتاز لاغلب مشاكل المعده سواء الالهابات والجرثومه والحموضه وغيرها مجرد تاخذين منه ملعقه مطحونه وتخلطينها بكوب ماء مغلي وغطيه 10 دقايق ثم اشربيه مثل الشاي بعد الغداء والعشاء وبعد ما يخلص الدواء اللي اعطوك اياه بالمستشفى ويخف عليك الالم روحي الصيدليه واطلبي من الصيدلي يعطيك بكتيريا نافعه بروبيوتيك وخذي منها حبه يومياً لمدة اسبوع الى اسبوعين او اطلبي من الصيدلي يشرح لك طريقة استخدامها فايدتها انها تساعد في تحسين الصحه وترجع التوازن للبكتيريا النافعه اللي الجسم يحتاجتها في الامعاء والمعده اللي اكيد تضررت بسبب كثرة البكتيريا الضاره عندك سواء بسبب المضادات الحيويه او من الاكل الغير نظيف واغلب اللي عندهم مشاكل قولون ومعده وجرثومه ياخذون بكتيريا نافعه لانها تريحهم كثير

وعليكم السلام سلامتك ما تشوفين شر انتي عارفه اساس البلاء اكل المطاعم اللي ماتدرين عنه نظيف او...