التهاب في جرح القيصري والتهاب بالدم

السلام عليكم 

أخواتي انا والده لي اسبوعين قيصري بعد خروجي من المستشفى بيومين نزل الجرح
صديد ورحت لطوارئ مستشفى حكومي ونظفت لي الجرح جلست يومين وانتفخ
الجرح وزاد الصديد رحت لمستوصف خاص لدكتور جراحه قالي ارجعي للمستشفى
اللي سويتي فيه العمليه ورحت لهم وانا بحاله الله العالم فيها الدكتوره اللي بالطوارئ
قالت ﻻزم تنويم وتاخذين مضادات وبنادي الدكتور اللي سوا لك العمليه طبعا الدكتور
قالي ﻻ ما تحتاجين تنويم و بناخذ عينه نشوف وش سبب الالتهاب واطيعه وينظف 
لي الجرح واطلع وقالي تعالي كل يومين انظف لك ورحت وبعد يومين رجعت ونظفت قالي الجرح
متحسن وطلعت واليوم اللي بعده قمت العصر اﻻ فيه ريحة عفن وتفتح اختي الجرح
عشان تغير لي الشاش طلع الجرح متعفن الغرفة امتلت ريحه عفن لكم ان تتصورون وضعي 
حسيت ان الموت قريب مني وبخلي وراي ولدين صغار ورحت وانا اﻻن منومه سويت 
تحليل بول طلع فيه بكتيريا والدم طلع فيه التهاب وكريات الدم البيضاء 16 اللي 
بسأل عنه احد مر بهالشيء واللي مرت باللي مريت فيه وش صار معاها أشتقت 
لعيالي وتعبت من اللي صار خايفه اطلع من المستشفى وانتكس