التهيئة النفسية للحمل

السلام عليكم و رحمة الله و بركاته

انا اجهضت حملين بالشهور الوسطى و بعد الكشوفات تبين معاي ارتخاء بعنق الرحم و بحملي القادم راح احتاج عملية ربط لعنق الرحم لان اتعرض لولادة مبكرة و تبدي معاي التقلصات للولادة مبجر من يكبر الجنين ، المهم مو موضوعي هذا ، انا اخذلي حالياً ٦ اشهر من اخر اجهاض و كنت اتبع العزل لمنع الحمل و هذا الشهر بإذن الله افكر أبدأ محاولات حمل و لكن ما أدري ليش أحس بخووف و رهبة من موضوع الحمل دائماً أوسوس و أقول بقلبي إن حملت هم راح أخسر البيبي و ايلس ابجي أحاول آخذ الموضوع بإيجابية و الكل يقولي مشكلتج ماهي بعويصة و كل الناس تمر بأمور صعبة طبعاً أنا عندي ثقة بالله إن الله ما يأخر شي الا لمصلحة لعباده بس مادري ليش خايفة حدي و متوترة و زوجي متحمس للحمل و أنا خايفة حدي لدرجة جاني أرق الناس من تتحمس حق الحمل و أنا خايفة ! ساعات أحس روحي غير الناس ؟ من أذكر آخر ولادة يحوشني رووع لأن ولدت بالسادس نهايته و أحاول ما افكر بالموضوع و آخذه بإيجابيه بس مادري يا ريت اللي مرت بمثل وضعي تعلمني شلون طلعت من الحالة النفسية السيئة بعد الولادة و شالت الخوف لأن احاول انسى بس استغفر الله كل اتشاءم !!!! ما اقدر اسوي روحي قوية بس من داخلي حايشني خوف و مسامحة بس حبيت افضفض لان ماعندي حد اشكيله زوجي من اتكلم يقولي بسج دلاعة هذي سنة الحياة



ربِ هب لي من لدنك ذرية طيبة