صباح الخير كيفكم وكيف يومكم قضيتوه

انا مبارح صار معاي موقف محرج قعدت القط وجهي شي من فوق وشي من بيت الجيران وااااااااااااو مااتتخيلو شو صار

من فترة قلت لناس تعالو عندي يوم الاحد الجاي نقعد سوا و نروق وعزمتهم قام بعدين زوجي قعد لي فيها و كمان اتصلت وحدة منهم قالت لي معلش تأجليها لانه فلانة سافرت واحنا كلنا معزومين يوم الاثنين عند وحدة كمان وصعبة نخرج يومين ورا بعض فقلت لها طيب اوكي خلاص نأجلها وقالت هي حتبلغ جزء والجز الباقي انا اكلمهم

بس لانه جوالي مفصول طلبت من خالتي تكلمهم وتقللهم بما انهم صاحباتها كمان و طبعا الحلو في الموقف انه امس وانا عند ماما اتصلت علي وحدة منهم تقللي معلش سامحيني تلخبطت بوصف بيتك ممكن تعيدي لي هو تاني لاني ضايعة في الطريق

خجلت مررررررررررة وقلت لها ليش هم ماقالو لك انهم كنسلوه قال لا ماحد قللي وانا بالطريق وليش كدا بتحطونا بموقف بايخ وانا كمان معاي فلانة مريت اخدتها من بيتها وفلانة برضو دحين خارجة كلمتني ياكسفتك يانونة

فقلت لهم طيب تعالو عند بيت ماما نقعد هنا مو مشكلة احنا اصلا قاعدين ماعندنا شي وبابا طالع من هنا عنده عزومة ماهو فاضي فقالت لي خلص انا اتفق معاهم و أرد لك واتصلت بعدين قالت لي تعالو نروح هادا الكوفي الجديد اللي اسمه بابايا وبنقعد هناك فقلت يلا و رحنا كلنا مع ماما كمان

و تلفلف الموقف شوي بس والله انحرجت مرة مرة مرة

حورية

سلامتك ياقلبي<<<قوي قلبك\

انا احس اني اتحمل كتير الام بس الم الاسنان بيخلص الصبر عندي الله يعينك
انا المفروض اني اروح عند دكتورتي تبعت الاسنان هالاسبوع بس الخوف مخليني اتردد خخخخخخخخخ والمشكلة انه شركة التأمين وافقت لي على كم حاجة طلبتها الدكتورة عشان تعمل لي ياهم والموافقة بس لمدة اسبوعين وماقدامي الا هالاسبوع وانا خوافة كتير وبشمئز من المبرد تبعهم دا اللي بيعمل ززززززززززززززززززززززززززززززززززز اللي بينخرو السن فيه مابحبه ولا بطيقه هههه

وبالذات عاد ضرس العقل الله يعينك على المه والله حاسة فيكي انا فاكرة لما طلع لي حسيته طلع من مخي مش من اللثة

يلا ياستي اجر وعافية ان شاءالله

بنوتات اذا عادي افتح ملف؟؟
نونة ايش رأيك تفتحي الملف او افتحه انا؟؟

ههههههه لا ماينفع ياحورية
بس انا بعد كلام بلسوم وبلورة اتفائلت خصوصا اني بكرة موعد التحليل احسهم فرحو قلبي

بس انا مابقدر اتعدي علي نونة لانها ام توأم واحق مني بفتحه

خلاص اذن انتظروني افتحه