التواصل مع الاخرين والتعبير عني مشكلتي في العمل

السلام عليكم ورحمة الله وبركاته كل عام وانتم بخير وعيد سعيد علي الجميع يا اخواتي انا عايزة مساعدتم معايا انا سيدة عندي 31 سنة الان مغتربة اعمل في بلد عربي مشكلتي بدات منذ 2 سنة تقريبا انا اعمل منذ اكثر من 8 سنوات كنت نشيطة جدا وعملية ولهلوبة زي ما بنقول احنا المصريين :D وبعدين اتعثرت في العمل بسبب المسؤولين والوصايت وبقيت احس ان كل الناس مش حقيقين وكلهم بيتكلموا او بيتقربوا مني علشان المصلحة مبقاش عندي اصحاب ببعد عن كل الناس حتي لما نكون في مجموعة كلهم يضحكوا ويهرجوا وانا بضحك بردة بس مش من قلبي بس مجاملة للموجدين كل حاجة بعملها مجاملة ولاني زهقت من المجاملة :icon33: بدات ابعد احسن واحس ان حتي زمايلي في العمل كلهم منافقين وبيتكلموا قدامي بشكل ومن ورايا بشكل تاني وبيتكلموا علي بعض قدامي :(

المهم نقلت الي عمل جديد علي اتعلمت من الاول من الالف للياء وبقيت معاهم تقريبا 6 سنين في اخر فترة حجم الشغل زاد عليا وشغلي كله فلوس ومصالح حافظت علي شغلهم جدا وكنت بتعامل معاهم كاني في مكان بتاعي انا واعطيت واخلصت جدا جيت بعد 2 سنة اتجوزت فقلتلهم انا عايزة اقلل ساعات العمل المهم وافقوا وقللولي راتبي تقريبا الربع مش مشكلة وقلت الحمد لله المهم اني هتجوز لاني وصلت لسن 28 وكنت لسة متخبطة وجوزي انسان كويس الحمد لله مفكرتش في الفلوس :16:

وبعد كدا اشتغلت بعد تعديل الراتب اكتر من الاول وزاد العمل بقي اضعاف اضعاف بس كنت بعملة وانا ساكتة وانا من النوع الي مببينش اني بشتغل بخلص شغلي بسرعة وكفائة علشان انا طبيعتي كدا :angry: المهم بعد مرور ال6 سنيين حسيت اني خلاص مش قادرة اتحمل دخلت اتكلمت معاهم قالولي مفيش زيادة ومفيش حد يساعدك انتي هتعملي كل حاجة لوحدك :icon33:

حسيت بالقهر راتب قليل وشغل كتيير وحمل وبيت وبقيت اروح الشغل مش عايزة اروح والظاهر اني جالي اكتئاب كنت بنام بالساعات مش عايزة اعمل حاجة في البيت مش عايزة الوقت يجري . وبعد كدا انا قلت لنفسي لازم اطلع من الدوامة دة هتقضي عليا وبعدين قدمت استقالتي وطلعت وكلهم مستغربين اية الي زعلها ومشاها وهي كانت كويسة ومفيش مشاكل هما بيفتكروا علشان الشركة الجديدة عرضت عليا راتب احسن بس مش هو دة السبب بس لا علشان انا في شغلي الجديد ساعات عمل اقل وطبيعة عمل اقل وفكرت اني ممكن احس بوجودي الي انسلب في شغلي القديم وكنت عايزة انتقم منهم علشان انا كنت لوحدي ومفيش حد يقوم بشغلي وسبتهم يتخبطوا ويضربوا اخماس في اسداس بس انا اعمل اية هما عندهم سوء ادارة في حد في الدنيا يعمل قسم مفهوش الا موظف واحد ومحدش يساعدة او يكون معاه الشركة كبيرة فيها 13 وكالة عالمية للملابس مع 24 فرع للوكالات دة تقدروا تتخيلوا الشغل قد اية علي دماغي ومتخيلين اني مكوك بقي ما انا مبتكلمش زي الحمارة :angry: .

المهم رحت اول يوم العمل الجديد حسيت اني صعب عليا اتأقلم مع الناس وشلت هم مديرتي لاني بتكلم معاها كلمتين ورد غطاهم طيب هي هتعرف شغلي ازاي لو مشرحتش ومتكلمتش بس بحس قدمها اني عاجزة علي الكلام مع اني بشتغل زي الحمارة بس مبعرفش اعبر وخايفة الشغل يروح مني بسبب قلة ثقتي في نفسي الي زرعها فيا الشغل القديم واني مهما اتكلمت مش هتسمع .

هتقولو لية الشغل القديم زرع فيكي عدم الثقة لاني لما نزلوا راتبي بقي كل زميلي يعلاا رواتبهم بمرور السنين وانا راتبي يزيد زيادة طفيفة وكنت لما اجي اتكلم مع المدير او اشرحله حاجة مكنش يسمع وكان يقلب المواضيع ويديني شعور ان في حجات اهم من الي انا بقولة وطبعا لاني مبتكلمش بسكت وبقول الحمد لله علي كل حال وكمان انا بشتغل مسؤولة قسم بس في الاجتماع كنت اسكت ومتكلمش لاني عارفة اني لو اتكلمت مش هتسمع حتي لو الكلام فية مصلحة الشغل :(

انا رغيت عليكم كتير بس معلش اصل انا مليش اصحاب وعايزة حد يفهم مشاعري والي انا فية . دلوقتي في شغلي الجديد انا شغالة مديرة قسم وبدات احس اني مبعرفش اعبر بردة نفس القصة فخايفة يتهضم حقي زي ما كنت في شغلي القديم واشتغل ومعرفش اخد حقي , شرحت لزوجي ومن طبتة قالي اقعدي في البيت وارتاحي بس انا مبحبش قعدة البيت وكمان معنديش اولاد لسة فهقعد اعمل اية وزوجي بيشتغل بردة هقعد طول النهار بين 4 حطان فبشتغل علشان اهلي الي بساعدهم وكمان علشان معنديش حاجة تانية اعملها :(


ساعدوني يارب يخليكم