:::: التواصل والمودة بين العوائل إلى اين :::: ( مشكلة خاصة )

والله اشوف انه كبار السن في العايله تقع عليهم مسؤوليه كبيره في الحرص على
التواصل......يعني مهما انشغلنا واخذتنا مشاغل الحياة من اللازم انه يكون في ايام ثابته
ومتفق عليها الجميع للتواصل.......وبعدين ليش مانفكر حنا نبادر بالأول....يعني ليش مانخلق المناسبات
علشان نتواصل.....ليش ننتظر الطرف المقابل هو اللي يبادر.....

عزيزتي
اعتقد ان سبب ذلك هو الانشغال في الاعمال وفي مشاغل هذه الدنيا التي لاتنتهي وكذلك هناك اسباب اخرى منها هو التكلف الذي اصبحنا مريضين به فنحن متكلفين في كل شي في ملبسنا في اسلوب ضيافتنا في طريقه كلامنا مع ضيوفنا مما جعل الامر في غايه الصعوبه والتكلف ويجعل امر الزيارات من الامور الغير مستحبه لامن المضيف ولا من الضيف فكلاهما يريد الابتعاد عن التكلف ويفضل عدم الزياره
وســــــــــــــــom-2t ـــــــــلامتكم :24:

اول عامل في عدم اجتماع افراد العوائل لمدد طويله هو :
* لعدم وجود كبير في العيله كالجد او الاب
* كثرة التكلف وحب المظاهر والمباهات في الاكل والشرب واللبس وايضا في الكلام
* كثرة الارتباطات خصوصا عندما يكون الولد ماخذ برات العيله والبنت كذلك يعني بيصير فيه ناس ماهم من العيله وبالطبع ما راح يحرصون انهم يجون لهالجمعات وح يكون لهم تأثير على ازواجهم او زوجاتهم انهم ياخذونهم لاهلهم وبكذا ح يقل عدد افراد العيله اللي المفروض انهم يتجمعون في فتره معينه من الشهر او السنه


* حب الدنيا والبعد عن الله افرغ قلوب الناس من الحب و التعاون والكرم وحتى من الكلام الطيب والقول السديد ( يعني فيه دوريه مرتبطين فيها كل شهر المهم من بدت واحنا يالحريم في حرب نفسيه كله تقريص بالكلام وتفوير دم والله ما اطلع الا وانا كارهه نفسي وفي اخر مره بعد سنتين قررت اني ما احضرها نهائي واربح العافيه والراحه النفسيه )

ولو يحصل ان الرجال هم اللي يجتمعون شهريا وياخذون اولادهم يلتقون ببعض ويحبون بعض ويبتعدون عن الحريم لانهم والله سبب البلى وهم اللي يفرقون استغرب لهالرجال في مجتمعنا مايروح الا وزوجته معه ( ياخي وش تبي فيها خلها في بيتها احسن لها ) تدرون ليش لانهم اذا صارت الدوريه عليها قامت تتكلف وما تخلي طبخه في العالم الا وتسويها وهي عارفه ان مصيرها ماراح تنوكل يعني الزباله اكرمكم الله .. وتلاقين امها وخواتها يطبخون ويرسلون لها وتعالوا شوفوا السفره كيف ؟؟؟؟؟؟؟؟؟
وغير الحلويات اللي مع الشاهي والقهوه واللي بعد العشاء
بصراحه الواحد ما يقدر يجاريهم لاني ماعندي استطاعه اخرب ميزانية زوجي علشانهم واستحي اكلف على امي واختي
هذا غير كل شهر يبي الوحده تفصل فستان جديد علشان تحرهم فيه وغير الذهب والاكسسوارات وووإلخ
وزبدة القول ما يخرب الجمعات الا الحريم


تكفون اخواتي لا تزعلون من الحق ترى الحق ما ينزعل منه

وهذي لكم علشان ما تزعلون :26: :26: :26:

اخت قمرا
ولله انك صادقه في كل كلاامك ...........وانا كنت برد وواقول نفس كلاامك بس سبقتييني.......و اركز على سبب انه عدم تواجد كبير في العائله و ذكرني هذا بمثل شامي يقول(( اللي ماعنده كبير...يشتري له كبير))

احنا بصراحه الااحظ سبب تضضيق الزيارات الاجتماعيه و كره الارتباطات هو : المظاهر اللي قتلت العالم.....و الحساسيات اللي بين الحريم.......الحمدلله رب العالمين الوحده تغار من الثانيه لو لبسها احلى منها او انها ناجحه في حياتها اكثر منها........وغير الدق والنغز و النظرات اففففففففففففففففففففففففففيه......... و كلله كوم و اذا تهاوشو عشان اولاادهم و بزاارنهم كوم ثاني..............صحيح نااقصات عقل ودين.....>>>>>حاقده على مجتمع الحريم بقوووه.

======================================================

انا عن نفسي بصراحه صرت اكره الاجتماعات الكبيره و صار بس خروجي يكون بقصد صلة الرحم لا اكثر ولا اقل....حتى اذا الشخص اذاني هذا ماايمنع اني اسلم عليه واسال عنه مو عشان سواد عيونه لا ولله يخسى....الا عشان مااكسب اثم القطيعه و انا بصراحه مو نااقصه اكسب اثم نااس ماايستاهلون ...........ممكن تتعجبون من وجهه نظري بس بصراحه هي اللي انا ماشيه عليها......
====================================
شئ ثاني كررهني في اجتماعات الناس وهو النكران و الجحود........اذا الشخص وراه منك مصلحه صار اعز صديق لك و اذا قضها منك تنكر لك و زين اذا مانقلب وصار عدوك ..

وفي الاخر الله يعين على الدنيا بخير....


واقولك ياااخو هند

خلك بعيد .....حبك يزيد....

و من طلع من داره ......قل مقداره

أنا مع الأخوات السبب الرئيسي في عدم التواصل الحريم والرجال ألي يمشي مثل ماتقول له زوجته