التوحد

رفع

بس كان ودي اعرف عندي فضول
الله يجزاك خير يارب عالدعاء والرد

الله اعلم وش منة التوحد
و كثر فعلاً هالمرض السنوات الاخيرة
الله يحفظ عيالنا من كل شر و مرض

سارة حبيبتي الله يسعدك ويحفظ لك اطفالك من مواضيعك عرفت انك خايفة على اطفالك وقد تصل لمرحلة الوسواس طيب ليش تزيدين الطين بلله ليش تسألين عن امراض الحمدلله ربي حافظ اطفالك منها بكذا راح توسوسين اكثر نصيييحة مني لك كاخت محبة ابعدي عن ها المواضيع وركزي على طرق التربية الناجحة والتغذية السليمة للاطفال تتعلمي وتستمتعي مع اطفالك
لمن كنت حامل ببنتي كنت خايفة من موضوع التشوهات ومتلازمة الداون وكنت ابحث واخاف اكثر ما ارتحت غير لمن صارحت الدكتورة بمخاوفي وطمنتني وقالت لي لا تقرأي عن مواضيع زي كذا وتوسوسين وتتعبين و بنتك مافيها غير العافية والحمدلله ولدت بنتي بصحة وسلامة وبخير
بخصوص موضوع بنتك ضعف النظر والله عادي في عائلتي اطفال صغار يلبسو نظارات ويجننو وكبرو ما شاء الله واخت زوجي من زمان تلبس نظارة وشوفيها على اعتاب الثلاثين ريحي قلبك وبالك واستمتعي بنعم الله عليكي
الله يسعدك حبيبتي

ب اقول لك شي مو تخمين ولا توقع امر حقيقي شفناه ولمسناه 😪
قريبتي ولد اخوها بعمر 4سنوات كان ذكي ويتكلم وجريء ويسولف طبيعه حياة هالعيله تغيرت الام توظفت والاب انشغل ايضا ف هالطفل الصغير بالعاده يشغلهم بعد وصولهم من الدوامات ولا يقدروا ينامو ولا يرتاحو ف ركبو له شاشه تلفاز بالغرفه وايضا بالصاله موجوده و طووووول وقته هالطفل على قنوات الاطفال الانشاديه 24 ساعه ينام ويصحى عليها بعد فترة لاحظوا النطق عنده تغير 180 درجة ومررره ماينفهم كلامه وكأنه طفل اقل من 2سنة والله وانا اتكلم معاه مايفهم وحركي بشكل غير طبيعي صرنا نساله هذا لون ايش مايعرف واذا علمناه يقوله بس مانفهم كلامه كثفوا العلاجات السلوكيه عليه وشالوا الاجهزه من يده وشاشات التلفاز نهائيا وبدا ينطق ويفهم ويتكلم شوي شوي


وايضا قابلت وحده في المستشفى تشتكي من ولدها تقول من ركبنا التلفزيون الشاشه الكبيره وهو عيونه ماترمش ابد وعصبي ويبكي كثير وحركي ولا ياعب ماخوانه
ومالاحظنا تغيره للاسوء الا بعد هالشاشه
وبس كل الطفلين كان تشخيصهم من الطبيب توحد
وهذا هو سبب التوحد بالعاااده
اما بنت اختي من انولدت واحنا نشوفها طبيعيه الا بعد سن المشي قال الطبيب فيها توحد او طيف توحد ونفس الشي بكاء في بكاء والله نشغل التلفزيون مثل السحر تفتح عيونها عليه وتوقف بكى 😨 ف ماعرفنا هي ايش سبب التوحد اللي فيها