كيف حالكم ياقمرات ***** الله تكونوا بخير
النهارده بنزل لكم صنف حادق بينفع في الحفلات بجانب الحلويات وفي الافطار ومع الشاي في وقت العصر وبسيط وسهل
بلاش ارغي وندخل علي المطبخ علي طول
لتحضير التورتة نجيب 3 ديسك ميل فاي
سوسيس مسلوق او باكيت لانشو
جزرة مغسولة ومبشورة
ترنشات خيار
جبنة فيتا او اي جبنة بيضا ملح خفيف
حبة طماطم
زيتون منزوع النواة -فلفل اخضر
اضرب الجبنة مع قليل من اللبن في الكبة بس مش تبقي سايلة خفية
اجيب واحدة ديسك وادهنها بالجبنة
واغطيها بالديسك التاني وادهن بالجبنة واحط التالت وادهنه
بعد لما دهننا التلاتة اعمل خطوط خفية بالسكينة او بحر ملعقة ااقسم التورتة لمثلثات
ابشر السوسيس او اللانشو الباكيت واحط في المثلثات بالتبادل مع الجزر المبشور زي الصورة
اعمل بقمع تزيين التورتة وردات بالجبنة
ارص الخضروات حسب الرغبة طماطم منزوعة القلب ترنشات خيار وزيتون الاسود وازين حسب الرغبة والذوق كانها لوحة بتزينيها بذوقك
انا هنا زودت ترنشات جبنة مقطعة بقطاعة شيبسي شبكة
ونحطها في التلاجة ساعتين او اكتر المهم ماتنقطع في بعد التزيين مباشرة
وبالف هنا وشفا شوفتوا ازاي ياقمرات بسيطة وسهلة والطعم تحفة
اتمني تعجبكم
ودعواتكم لاولادي بالهداية والصلاح
اترككم في رعاية الله:26::26::26:
http://forum.hawaaworld.com/showthre...4#post73245914