السلام عليكم ورحمة الله وبركاته
طبق اليوم التوست واللحم المفروم
المقادير :
توست ( بريد )
لحم مفروم
حليب
بيض
مقادير حشوة اللحم المفروم طبعاً على حسب الرغبه ممكن يكون لحم مفروم ساده ولكن هذي حشوتي اللي دايم اسويها
الحشوه :
لحم مفروم
بصل
طماط
بطاطس
فليفله
جزر
صلصه
ماجي
بهارات
الطريقه
- في البدايا نقطع البطاطس والجزر مكعبات صغيره ونقليها
- نقطع البصل والطماط والفليفله ونحمسها
- نخليها لحد ماتذوب ونغسل اللحم المفروم ونحطه علي الحمسه ونحط معه الماجي والبهارات طبعاً على حسب كثر اللحم المفروم تحطينها
ولا تنسون الصلصه
بعد كذا انا حطيت ماي قد البياله وقصرت على النهار وخليتها على راحته يستوي
بعد ماستوى اللحم قد البطاطس والجزر صارو جاهزين حطيتها عليها وغطيت القدر خليتها شوي وسكرت النار
الحين نجهز الصينيه
ناخذ حليب سائل ونكبه في طاسه طبعاً انا كبيت علبتين ونص حليب
ونقص التوست نص ونغمسها في الحليب ونصفها بالصينيه
مثل ماهو موضح بالصوره
بعد كذا نكب فوق التوست اللحم جبن مبشور موزريلا
ونرجع ونصف طبق ثاني من التوست بعد تغميسه في الحليب فوق اللحم
بعد كذا ناخذ الحليب اللي باقي حق التغميس ونكسر فوقه بيض انا كسرت بيضتين
ونخفق البيض مع الحليب
ونكبها فوق الطبق بالتساوي ونحط فوقه جبن مبشور
مثل ماهو موضح بالصور
واخيراً دخلته الفرن شغلت عليه النار من تحت لمدة ربع ساعه وبعدها فوق لتحمير
وهذي النتيجه
على فكره الطريقه مره سهله
ان شاء الله تعجبكم وترقبو الجديد
تسلم الايــــاااادي ويعطيك العافيه