التوظيف بعد التخرج -تم تعديل العنوان

انا متخرجة من5 سنوات نبات -احياء دقيقة من الملك سعود ومالقيت وظيفة
نصيحة لوجه الله اذا تبين مستشفيات قدمى على كل المستشفيات الي تقدرين عليها مع انهم يقولون لازم وووواسطة
اما انا كنت ابي تدريس لكن للأسف بعد 5 سنوات توني أكتشف ان الديواااان لايقبل شهادة كلية العلوم الا بالدبلوم التربوي طبعا بعد البكالوريوس مدته سنة فصلين دراسيين الرسوم 10000 كل ترم 5000 زميلاتي اخذوه اول ماتخرجنا وماشاء الله لهم 5 و4 سنوات في مدارس أهلية يعني ماضاعت عليهم ولا سنة
شوفي اذا كنتي ناوية تدريس الحقي نفسك وسجلي بالدبلوم التسجيل بعد اسبوع
وفيه اكتفاء لأنهم يأخذون عدد معين
واذا تبين معلومات أكثر بلغيني علشان اكتبها
اما اذا تبين مستشفى الله يعينك حاولي وبالتووووفيق

مدري شلون اشكرك حبيبتي غدورة

الله يوفقك ويسهل عليك امورك وينولك اللي في بالك

بردتي قلبي الله يبرد قلبك

بصراحة اقولك انا نفسي اتوظف في مستشفى في قسم مختبرات ماسمعتي عن احد من نفس القسم توظف في المستشفى

ابي اعرف شنو شروط القبول في المختبرات

انا سمعت انو لازم اتدرب لكن موعارفة وين ؟؟

طيب لو بغين تدريس يعني وين اخذ الدبلوم التربوي ؟؟

مدته سنة والا سنتين ؟؟

فضفضي خيتو انا هنا عشان اسمعك واستفيد من خبراتكم

انتظر ردك بفارغ الصير

الله يسهل عليك امورك

مراحب ياحور
بصراحة ايام الجامعة كان معانا وحدة تقول انا اختها متوظفة في مستشفى الملك فهد للحرس الوطني وكانت تحلف بالله انه بدون واسطة مع ان تقديرها جيدجدا وتقول اول 3 شهور تدريب في نفس المستشفى بعدها يايثبتونك او يقولون لك مع السلامة بس تبين الصراحة تقول قمة التعب والقرف
لأنك في مختبر انواع العينات دم وغيره بلاوي والدوام من 7 الى المغرب يعني ماتسوى التعب
الراتب تقول 5000 ريال
اما الدبلوم تأخذيه من كلية المجتمع والدراسات التطبيقية في الجامعة
طبعا هي كلي مستقلة قريبة من قسم الأدبي في عليشة
مدة الدبلوم سنة وحدة بس
الرسوم 10000 ريال
الدراسة الترم الأول 9 مواد فيها مواد تربية وعلم نفس ومناهج وطرق تدريس
والترم الثاني 6 مواد وتطبيق عملي يومين في الأسبوع
التسجيل يبدأيوم السبت 26/6 الى يوم الأربعاء 22/7 يعني شهر
فيه مقابلة لمدة 4 ايام حسب التقدير
السبت25/7 ممتاز وجيدجدا
الأحد26/7 جيد
الأثنين والثلاثاء 27/7 و28/7 مقبول
النتائج يوم السبت 2/8 المقبولات
طبعا تجين تسجلين اول
المطلوب
ملف علاقي
الوثيقة وصورتين منها
السجل الاكاديمى (كشف الدرجات) وصورتين منه
السيرة والسلوك مع صورتين
دفتر العائلة او البطاقة مع صورتين
2 صور شخصية 4*6 للبطاقة
ومثل ماقلت لك اول فيه اكتفاء
أنا ان شاء الله رايحة السبت اسجل تعالي معاي سجلي أحسن لك
أقولك صلي استخارة أول وشوفي
بالتوووفيق ان شاء الله

حبيبتي غدورة

المشكلة اني انا من المنطقة الشرقية ومابغيت اخلص الاربع سنوات

عشان ارتاح من التعب رايحة رادة الرياض !!!

ماتعرفي مستشفى ثاني ممكن اقدم فيه ؟؟

وهل قسم المختبرات يشترطون كشف الوجه؟؟

طيب واذا درست الدبلوم مضمون يعني اتوظف مدرسة والا لا ؟؟

ليش يعني شهادة الدبلوم معترف فيها ؟؟

بالتوفيق للجميع

بالنسبة للمستشفى قدمي على المستشفيات الي عندكم في الشرقية لأن كل مستشفى له نظام فيه تبع وزارة الصحة وفيه تبع الدفاع والطيران
تبع الصحة روحي اسألي في مديرية الشئون الصحية في الدمام اما اذا مو تبع الصحة اسألي في المستشفى نفسه لأن البنت الي اعرفها راحت لمستشفى الحرس دايركت
اما بالنسبة للدبلوم مافيه شيء مضمون لكن لاتفكرين تنقبلين في وظيفة تعليمية رسمية بدون ماتكونين تربوية اسأل مجرب ولاتضيعين وقتك
بس ممكن تسألين في كلية العلوم في الدمام عن الدبلوم التربوي او في جامعة الملك فيصل في الأحساء ممكن عندهم هذا الدبلوم
ولو كنتي جادة لاتشيلين هم الي عدا 4 سنوات يعدي سنة مثل البرق ماتحسين الا وانتي مخلصة ومرتاحة
وعلى فكرة أغلب بنات الشرقية غير تربويات مافيه كليات تربية غير في حفر الباطن وكم كلية جديدة
يعني بتصيرين انتي مقدمة عليهم كلهم
تخيلي لو فيه وحدة خريجة غير تربوية آداب او علوم وتقديرها أحسن منك ومعاها خبرة كم سنة
وتقدمتم لوظيفة وحدة وانتي تربوية وتقديرك اقل ومامعاك لاخبرة ولادورات ولسا متخرجة
راح يفضلونك عليها بدون مايناظرون لأوراقها ابدا
وهذي المعلومات جبتها من موظف بالخدمة المدنية شخصيا
بالنسبة لكشف الوجة ماأحد يجبرك على كشف وجهك
وبالتووووفيق يااارب
بلغيني اخبارك اول بأول علشان نستفيد ونفيد