اعتقد أفضل طريقة للتوفير انك تفتحين حساب في البنك غير الحساب اللي ينزل عليه راتبك وتحددين مبلغ يحوله البنك من راتبك الى الحساب الاخر شهريا يعني توفير بالغصب......اعرف وحدة يحول من راتبها وراتب زوجها شهريا لحساب باسم ولدهم الصغير ينفعه لي كبر ...
انا احاول اقنع زوجي بهذه الفكرة......ان شاء الله يقتنع

ممكن فكرة معقولة .

ماشاء الله عليك ياخت مها الله يبارك ليك في رزقك وجميع المسلمين والمسلمات

يااخواتي لاتنسون دعاء دخول السوق (( لاالاه الا الله وحده لاشريك له , له الملك وله الحمد يحيي ويميت , وهو حي لايموت بيده الخير وهو على كل شيء قدير))

:27:

السلام عليكم

خواتي بخبركم بتجربتي صار لي اقل من 3 سنوات متزوجه و اعمل بوظيفه جيده و الحمدلله و زوجي كذلك و راتبه اكثر مني ,,, لكن و الحمد لله الديون فوقنا و تحتنا طلعت من بيت اهلى بدين و قدره ( ....... ) !!!!! و اكتشفت ان زوجي عليه دين ما له دخل فيه اقل عن النص مليون تخيلواااا و هذا غير البطاقات الائتمانيه !!!! المهم و كانت عليه قضيه و الحمدلله انتهينا منها ,,,,, اخذت سلفه و دفعت عن بطاقتي الائتمانيه و ما طلب غيرها و كنسلت عنها تماما ,, شهر يناير بسدد قرض تجارى و قدره 92000 درهم و ذلك من خلال الجمعيات اللي اشترك فيها ,, و القرض المفروض اسدده في عشر سنوات لكن من خلال برنامج اوبرا تعلمت حاجه عن البنوك و الفوائد و عشان كذا احسب كل شي و اوفر كل درهم زائد عن الحاجه و باقي القرض الشخصي اللي حاسبه اني اسده خلال 5 سنوات فقط بدل 10 سنوات مع اني اصرف و حاليا ما عندي اولاد الله يرزقني و اياكن الذريه الصالحه ,,, المهم البنك اللي اتعامل معاه فيه موظف فهمني كل شي عن القروض و الفوايد و كيف تحسب , و لما فكرت فيها لقيت انهم يحسبون فايدة كل شي تاخذه منهم بروحه يعني القرض الشخصي فايده بروحه , البطاقات بروحها , السحب على المكشوف فايده بروحه , و طبعا تاجيل قسط فايد جديده , طبعا لما فهمت اللعبه بديت اسدد الاشياء الخفيفه و ان شاء الله اسدد الباقي و احاول اوفر بكل طريقه و الحمدلله

اسمحولي طولت عليكم بس عجبني موضوع التوفير