هدى هانى @hd_han
عضوة جديدة
التوفير يلا يا بنات نشوف اية المقصود
المقصود باول موضوع اشاركم فيه التوفير بيحمل الكثير من المحاور اولا التوفير فى الوقت وثانيا التوفير فى الجهد البدنى وثالثا التوفير والمصروفات ورابعا التوفير الادخارى هاكلمكم عن اولا التوفير فى الوقت ازى تلاقى عندك وقت لعمل كل الاشياء اللى بتحبيها نبدا بالام طبعا اول ما نفتح عنينا بيكون اهتمامنا باولادنا اولا اليوم بيبدا معاهم من الليل بعد ما بيناموا نعمل ايه احنا نوضب اغراضهم شنطة المدرسة والملابس ولابد من اتقان اعتمادهم على انفسهم فى معظم الاشياء الخاصة بيهم فى حين الاستعداد للمدرسة تكون الام وضبت الفطار لكن لو العكس حصل مثل انك ايقظتهم ثم بداتى تلبسى وبعدين تحضرى الشنطة وتعدى الفطار هتلاقى نفسك اهدرتى وقت ومجهود بدنى ولو عندك صغير الاحسن لكى ان الابن الاكبر يتحمل بعض المسؤلية فى تعليمة الاعتماد على نفسه مرة فى مرة يساعده فى تغير ملابسه بسرعة هيتعلم منه اسرع من ان تقومى انت بعمل هدا لان الاولاد بيقلدوا بعض بسرعة عن التوجية المباشر بانك لازم تتعود تلبس نفسك ثانيا بنزول الاولادللمدرسة تبداى اعمالك اليومية بالمنزل واللى لازم تعمليها بسرعة وفى وقت واحد تقريبا فمثلا لو عندك غسيل وتنظيف الشقة وعمل الغداء تبداى بالتالى توضبى ابداى بعمل الاكل وضعة على النار ثم تضعى الغسيل بالغسالة وبرمجته ثم تبداى بتنظيف الشقة ستجدى نفسك بسرعة وفى وقت واحد عملتى 3اشياء وهنا وفرتى وقت مضاعف ولا يستغرق منك هدا اكثر من ساعة وفى هدة الاثناء تخرجى للعمل وانتى فى قمة نشاطك لانك مش شاغلة بالك باشياء لسة هتتعمل وبعد الدوام وعودتك انتى والاولاد اول حاجة هيلاحظوا ان البيت نظيف تبداى باعطاء ملاحظة ان اللى هيوسخ مكان مطالب بتنظيفة وكونى صارمة فى دللك واطلبى منهم انهم يغيروا ملابسهم مع مراعاة وضعها بالمكان الخاص بيها من اجل النظام ومعاقبة المخالف وفى نفس الوقت انتى تكونى غيرتى وابداى بطلب المشاركة منهم فى اعداد السفرة وفى نفس الوقت تبداى بفتح حوار بينك وبنهم زى عملتوا اية اليوم واخدتوا اية اتعلمتوا اية من اصحابكم اللى اتكلمتوامعاهم وفى اى موضوع اتكلمتواولو لاحظتى الترتيب دا هتلاقى انك اكسبتى اولادك عادات سليمة منها الاعتماد على النفس والنظام والترتيب والنظافة والمشاركة وبداية تحمل المسؤلية وتخرجى انتى انك عارفة اولادك بتفكر ازى ومن اصدقائهم وتقضى معهم بعض الوقت وبعد العداء راحة مع تكملة النقاش اللى كان قبل الاكل لانك طبعا نبهتى انك هتكملية بعد الاكل معاهم لان الكلام ممنوع على السفرة ودى عادة مهمه وبعدكدا اطلبى منهم عمل الواجبات المدرسية وانتى اعملى عصير فرش لكى ولهم وانتى بتدخليه ليهم اطلبى منهم اللى محتاج مساعدة منك لا يتردد فى طلبها واغلقى الغرفة وادهبى للسرير الخاص لكى ومددى جسدك واغلقى عينيكى مدة 10 دقائق ثم تكونى فى كامل حيويتك ويصبح عندك وقت كافى لعمل اى شىء تحبى ان تعملية ونكمل الباقى ان شاء الله
13
1K
يلزم عليك تسجيل الدخول أولًا لكتابة تعليق.
كشرى من بلدى مصر
•
رفع
الصفحة الأخيرة