التوكسوبلازما و عقار الروفامايسين النادر فى المملكة

حبيباتى
انا حللت اليوم تحليل حمل فى دم عادى مش رقمى و طلع موجب الف حمد و شكر
و ذلك بعد معاناه سنتين بعد اجهاضى اول شهر زواجى كنت اعانى من بعده بلخبطة الدورة
و لحد دلوقتى مش مصدقة و بكرة من قلقى هعمل تحليل منزلى
سؤالى طلع تحليل التوكسوبلازما موجب و ال IgG 20
علما لا بقرب من قطط و لا باكل بسطرمة نية
و كنت قبل جوازى عملاه و طلع سالب
تفتكوا ممكن يكون غلط
بس صعب لان التحليل الثانى ال اى جى جى هو الأجسام المضادة نتيجة ان اللأول يطلع موجب
المهم الطبيب كتب ROVAMYCIN تركيز 3 مليون ل 3 اسابيع طلع نادر هنا فى السعودية حد تعرف يتجاب منين حتى جوزى صيدلى فى النهدى و مش عندهم
اولا حد يعرف منين عشان مضطرش ابعت اجيبه من مصر
و ثانيا حد طلعله اول حمله موجب زيى و راح