الشئ اذا زاد عن حده ينقلب ضده صدق ثقتكم فينا الي بيسأل شلون بقوله بكل بساطة لاتثق فينا زود عن اللزوم صدق من طلب منك تثق فينا واجد من طلب منك تقول هذا ثقة في تصرفاتي ثقة في شخصيتي ثقة في اطباعي من قالك تعطيني هذه الثقة.
الاشياء اذا زادت عن حدها تنقلب وصدق بدل ماتصير ميزة تصير سيئة كثرة الغيرة مغثة كثرة الاهتمام دععالة كثرة الطيبة قضاء وكثرة وكثرة وكثرة.
اشياء وصلتنا لمرحلة السذاجه صاروا الناس يأشرون علينا ويضحكون ويقولون طالع هذا وهذا وهذا صرنا محط سخرية اذا قمنا نعبر عن احاسيسنا والشئ اذا زاد عن حده ينقلب ضده تعليقك السئ لأنسان قاعد يحاول كثر مايقدر يبذل جهد وحتى لوكان تعليقك على سبيل المزاح والقشمرة مره وتعدي مرتين تنبلع الثالث ونقول ثابته طيب والرابعة والعاشرة ترى تعور يقولك مايحس بالجرح الا الجريح بالاحرى مايحس بالجرح الا الي لابس حرير
انت لبست نفسك حرير وقمت تنتقد على فلان وتقول ......
اعذر حيائي اني لما اتكلم ان الشئ اذا زاد عن حده انقلب ضده معناه اني اوجه لك كلام حالي حال مليون شخص ناطر يقرأ بين كلماتي نفسه ناطر الاحساس الي يوصفه ساكت مبتسم يطالع فوق يطالع تحت وين ماكان ناطر الشئ الي زاد حده معاه انقلب ضدهم بكل بساطة وبعمرك لاتتوقع اني انسان مايمكن ماتغير عليك ابشرك راح تشوف مني وجوه عمرك ماشفتها عندي اطباع واساليب تقول لوتطلع من الناس كلها مستحيل تطلع من فلان .
ياجماعة مرات الناس بمرحلة بخلونك تطلع بوجوه واساليب عمرك ماطلعتها .
عذرا لكل التقاليد عذرا لكل الاحكام نتكلم بصراحه شوية والي موعاجبة اعذر جرائتي هذه المره لمن انت تجي تقسى علي لمن انت تجي تثق فيني علشان تدوس علي وتدوس على كرامتي وتدوس على كل شئ حلو بنيته معاكم هنا اقولك وقف عاد لتشوف شئ عمرك ماشفته .
ترى لمن نهدد مانهدد عبث لمن نوقف ونقول لحظة عاد ترى مانقولها منهو والطريق بيني وببنك احنى نحاول نخش هذا الوجه بعيد عن الكل الااذا انت طلعته الشئ اذا زاد عن حده انقلب ضده ثقتك العميا اني انسان عبارة عن ملاك ماعندي احساس حشى من يقول ماعندي قلب يحس وينقهر ويتنرفز ويتضايق ووووو...
لان حضرت جنابك الموقر قررت هذه اللحظة انك تعفسني من قالك . لاابشرك للمرة الثانية اقولك ترى والله والعظيم راح تلقي فينا تصرفات انت بنيتها راح تلقي امامك مرآة افعالك راح تلقي امامك انسان صنعته كسراتك كبرته خذلانك .
بكل بساطة صرت انا انسان يتغذى في عيوبك يكبر بلحظة بعد لحظة من كثر جروحك اليوم انا كنت صغير بكره راح اكبر واكبرلين انظمق قدام الناس لها لين اقول تعال افهمك شغله ترى خلاص وصل السيل الزبى انا الى هنا ماعاد اكمل اكثر .
اذا حاط ببالك مره وحده اني انسان راح اتحمل عيوبك وابلع موس واقول تم وحاضر اذا انا انسان قدام الكل بالنسبة لك هذا محل ثقة اني الانسان الوحيد من بد كل الناس ماراح يكسر فيني لاراح اكسر فيك لايمكن يجرحني لابجرحك لايمكن يؤريني مر الزمن لاراح اذوقك اياه وبيمناي واقول بالهنا والعافيه ومطرح مايسري يغري ولاهو يغري..
اذا انت مو واثق من الناس الي حولينك ماراح يحبونك هذه المحبة فلاتحط ثقتك العميا عليهم وتقول هذول الناس ماراح يتغيرون صدق في قلوب وفيه في قلوب صادقة في قلوب سنعة ماتعرف حقد ماتعرف خبث ماتعرف سواد ماتعرف قيل وقال ماتعرف غل انت حطيته فينا لكن لما تراجع نفسك راح تكتشف ان هذا الانسان قادر انه يتغير .
ايه نعم تغيرنا اليوم ايه نعم صار لنا لسان من بعد مكان اغلبيتنا صامته ايه نعم قررنا اليوم بكل فخر نتكلم ونقول انت زدت عن حدك وانا انقلبت ضدك .. طبخن طبختيه والباقي انتم عارفينه.
حين تخجل الكلمات من الظهور لان مابين هذه الكلمات معاني تجرحك تصدمك تخليك رجل بلاتعليق...
غريبه الدار @ghrybh_aldar
عضوة نشيطة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️