شوفي حبيبتي انا من اول يوم ف زواجي قبل الدخله جتني اختي تعطيني نصايح تقولي اعتبري الرجل اضافه ف حياتك وخلي مسألة الطلاق ف بالك وتوقعي اي شي منو عشان ماتنصدمي ! وبالفعل ماقدستو مره ولا ثقلت عليه مره ،،، مره كذا ومره كذا .. واستغرب من الحريم الا تثق بزوجها ثقه عمياء او تذل نفسها له بزياده .. وف هذا القسم بالذات مشاكل تشيب الرأس الله يعينهم مع انو يكون الحل بيدها بس من خوفها تضغط ع كرامتها عشانو المفروض تخليه اضافه لا جات ولا راحت !

لا إله إلا انت سبحانك اني كنت من الظالمين 🌷
سبحان الله وبحمده سبحان الله العظيم 🌷
استغفر الله العظيم وأتوب إليه 🌷
اللهم صل وسلم على سيدنا ونبينا محمد 🌷

صدقتي فهده العنزي
كل وحده وحسب زوجها
فيه الي يجي معاه اسلوب التطنيش
وفيه الي اذا طنشتي يكرهك اللحظه الي اخترتي هذا الخيارر

اول شيء مواضيعك تعجبني 😘💜


ثاني شيء انا بقولكم طبع زوجي طبعا انا في ملكتي كنت ما احاكيه جوال كثير وكنت اذا قالي انا ابي ادق عليك وقتها فعلا يكون عندي امتحان واقوله عندي امتخان بكرا في الويك اند بخليك تكلمني وكان هو الي يجي لمي لما انا ما اكلمه كثير وكان يجي يسأل ويقول ليه ما تسالي عني ليه وليه ويعاتب .. انا والله ما كنت اتصنع بس يوم كنت في بيت اهلي كنت مشغوله وما كان عندنا خدامه وكانت امي الله يحفظها تقسم الاشغال بيني انا وخواتي وكنا ننكرف عشان ما نتعبها واذا جا الويك اند انشغل وكان يدق علي ويكلمني وانا اختصر واقفل واحيانا افضي وقتي بس نص ساعه له عشان ما يحس اني ما ابغا اكلمه او اتهرب وكان الوقت الي يدق علي فيه كنت اهتم ولا اعرف وش اقوله وبعدين تزوجنا وصارحني قالي انا ما كنت احب شخصيتك بالملكه ما كنتي تكلميني كثير وكنت ابغا اكلمك وانتي تتهربين وبعدين عرفته ما يحب هالشخصيه ذي وغيرت شخصيتي بعد الزواج وصرت اهتم منه واقول كلام حلو وكذا لان بايام الملكه كنت مرا استحي واساسا ادرس جامعه وتعرفين جامعه تعب وكرف ومشاريع طول الاسبوع ..
وبس بغيت اوضح لك حسب شخصية الرجال بتعرفين وش يحب وش يكره 🤓

كرهت الثقل من أمي ...


ليه تصير الوحدة رسمية مع شريك حياتها وهي بتعيش معه العمر كله بكل أيامها وساعاتها لين تموت ؟


الحمدلله ماني مثل أمي بسبب شخصيتي المتقلبة ولو انه مرض نفسي ربما بس والله ثم والله أرحم من اني اكون مثل أمي مع أبوي ..


راحمة أبوي أقسم بالله كاسر خاطري وانا اشوفه محروم وهذا هو مدمن روايات عاطفية وافلام عاطفية وهو اصلا عاطفي مايكلم أمي الا بحبيبتي وعمري وحياتي وبوس على الخد أما أمي جماااااااااااااد الله يعينها على نفسها والله لو اني مكانها بأكره نفسي وممكن أنتحر .


مشكلة أمي انها عودت نفسها على الثقل لدرجة صايره مثل العسكري مع أبوي ونتيجتها انها تستحي تقول كلمة حلوة ﻷبوي حتى لو في موقف مهم مرض او بيسافر تخجل حتى تقول كلمة ( الله يحفظك ) ! تخجل تلمسه يا نااااااس تستحي تلمس يده او كتفه سبحان الله عكسي تماما انا وزوجي انا ماستحمل أعيش يوم بلا ملامسات ..


والزوجة بهذه الصفات ماتقدر حتى تحضن عيالها وتبوسهم وتقول الكلام الحلو والتشجيع اللي يحتاجونه لانها بكل بساطة تعودت في حياتها على الرسمية اللي تسمونها ( ثقل ) حتى مع أقرب الناس لها شريك حياتها وبالتالي يطلعون عيالها محرومين عاطفيا ووجدانيا بشخصيات مضطربة ومعبيين أمراض مثلي أنا واخواني المكرمين ☺


الله يسامحني انا مو قاصدة اغلط على أمي وهي أصلها طيبة وتحب الخير بس حاولت اوصف نتيجة الثقل في الحياة الزوجية والعائلية ومع اﻷبناء .


ونصيحتي خليك على طبيعتك لا تتكلفين كيف ماكانت شخصيتك خليك على ماعليك


والمرأة بطبيعتها عاطفية ولو احتاجت شي من الناحية العاطفية تروح بنفسها تاخذه لا تنتظر من الرجل شي روحي انتي احضنيه وقولي الكلام الحلو لين تشبعي عاطفتك تمام قومي وخليه وروحي شوفي أشغالك ...


اصحك تقولين له ليه ماتقولي الكلام الحلو ليه ماتسوي وليه وليه وليه؟


روحي بنفسك وخذي حاجتك العاطفية منه ثم اتركيه مثل مايجيك هو وياخذ حاجته الجنسية ويتركك وانتهينا .