اب

سمعت عنو مدح هو والصبار

السلام عليكم ياخواتي
اولاً اعتذر من اللي طلب الجدول لتأخري لان مشاركتي تجاوزت3..


اولاً اللي تسأل اذا شعري خفيف او فراغات؟.
لا فراغات عجيبه بمعني صلع..:44:
>>السبب مش عضوي عندي نفسي..والحمد لله على كل شي

اتمنى من اللي حاب يستفيد يقرأ موضوعي كويس
وراح اكتب فيه كل شي ان شاء الله وكل التفاصيل..

انا من الاشخاص اللي ماحب الخلطات الكثير والاشياء الزحمه لانها بصراحه تخليني مااستمر في هالشي
فجدولي للعنايه مررره سهل ويناسبني كطالبــه

وهذا جدول عنايتي :(زيت منقوع الثوم والحلبه-سدر-فيتامينات-زيت آرت بالفيتامينات)فقط لاغير ..



اولا:الزيت
فنجان حلبه غير مطحون+اربع فصوص ثوم مقطوعه نصفين
تنقع بزيت عافيه مقدار علبه موية صحه بالريال..
لمدة اسبوع وبعدها صرت استخدمها

هذا الزيت يوم الاربعاء لما اجي من الدوام..لمدة6ساعات
واغسله بشامبو
(مالي شامبو محدد دوم اغير ادور على الشامبو المناسب وحالياً استخدم سيباميد للشعر الجاف والتالف)


ثانيا:السدر(وماأدراك مالسدر)!!

سدر ورق من العطار وانتي تطحنيه بالبيت مقدار كاسة شاي (ع حسب الشعر)
اكليل جبل من العطار وانتي تطحنيه مقدار فنجان
2كوب موية صحه
فنجان حلبه حب
فنجان آس
بصله صغيره مقطوعه نصفين
2فص ثوم
*تغلي كل المكونات سوا ماعاد السدر واكليل الجبل
اذا بدت المويه تغلي تقصري على النار وتغطيها لمدة10دقايق
وتطفي عنها وتغطيها بقصدير او بلاستك لحد ماتبرد
وتصفيها وتعجني فيها السدر
وتخليه يتخمر لمدة نص ساعه
(اذا لقيتي قوامه ثقيل اضيفي له من المويه اللي عملناها واذا مايقى منها شي عادي اضيفي موية صحه لين تلاقي القوام صار كويس مش ثقيله او خفيفه)
حطيه على شعرك للمده اللي تحبيها بس مش اقل من8ساعات...

واغسليه عادي بمويه فقط

<<هذا السدر ليوم الخميس

ثالثاً: يوم الجمعه زيت آرت بالفيتامينات انا اشتريه من مندوبه واثقه فيها انها تجيبه من زينة الاصايل ..
واغسله بشامبو وبعدها احط فاشكوول(مافي نوع معين لمدة15دقيقه واغسله بمووويه فقط)

رابعاً:فيتامينات <بحط صورته ان شاء الله..اذا ماعرفتوه!
كل يوم آكل حبه بعد الاكل شريته 60ريال



تعليق:
طبعاً ياأخوتي ماأكتبت تجربتي ابتغاء مصلحه الا لوجه الله ولاني حاسه بكل فتاه تعاني من هالمشكله
فتاه في مقتبل العمر وفي وجه زواج واحلام كبيره..وتلاقي نفسها اقل من غيرها باهم شي بجمال البنت وهو شعرها
ولا تقولوا مو كل شي بالله ايش البنت من غير شعر!!
صح الاخلاق والروح الطيبه اهم لكن لما توقف قدام المرايه وتتحسر ع حالها وتتذكر البنات اشكال والوان وتسريحات وحركات وهي مو قادره!!

ثانيا:
مشكلتي انا شعر كان قمه في الروعه لكن من 7سنوات فجأه بدا يتساقط بشكل فضيع والان المقدمه عندي فارغه
الا بعد فضل ربي وجدولي هذا بدا يتحسن شعري..وماراح اكذب عليكم صح اتحسن بس ماوصل للمطلوب لكن الحمد لله بمده شهر ونصف يعطي نتيجه حلوه ومُلاحظه..

ثالثاً:
مثل مانتوا ملاحظين عنايتي مقتصره على نهاية الاسبوع لاني طاليه ومايسمح وقتي بنص الاسبوع اضع هالاشياء,لكن اوقات الاجازات اوزعه على الايام واعطي شعري راحه واستخدم السدر مرتين بدل مره لان عندي وقت طويل..

رابعاً:
وواثقه من رد بعض العضوات على زيت منقوع الحلبه والثوم علشان ريحته ..:44:
اولا بقولك اخيتي مشكلة شعرنا يبغالها تضحيه وتصبير نفس حتى نوصل للدرجه المطلوبه
والريحه انا بقولك ولا يهمك اختك عندها الحل و انا اصلا طالبه واكيد تهمني رائحة شعري ماتكون بشعه


الحل للبنات اللي يقدروا يستعملو السدر مرتين بالاسبوع( واللي ماتقدر انصحها انها تتخلى عن زيت منقوع الثوم والحلبه وتكتفي بنقع الحلبه من دون الثوم..)

لماذا؟.
لانك راح تتخلصي ببساطه من رائحة الزيت بالسدر

بعد ماتغسلي شعرك من الزيت بفتره ويفضل ثاني يوم..
تطحني سدر+اكليل جبل+آس
وتعجنيه بمويه وتتركيه لنصف ساعه وتحطيه على شعرك لساعتين واغسليه بمويه
وصدقيني مافي رائحه للثوم ابد..





*بس هذا السدر للتنظيف فقط ماينفع ابد تستغي عن خلطة السدر وتعتمدي على هذي الطريقه
علشان كذا قلت للبنات اللي يقدروا يستخدموا السدر مرتين بالاسبوع..



هذا جدولي ببساطه..اتمنى قدرت افيدكم ولو بشيء قليل
واتمنى منكم الدعوات بظهرالغيب لي بالغفران وان اللي يعيد شعري ويحسنه..


واخواتي لاتنسون ابداً شكر الله على كل حال ومن يشكر الله يزيده وانا احمد ربي واشكره لو اشوف شعره صغيره نابته
واذكر فضل ربي وواثقه انه بيزيدني ويعوضني...



وأي سؤالي واستفسار انا جاهزه ..واذا تأخرت بيكون بسبب زيادة عدد مشاركاتي..








:26::26::26::26::26::26::26:

مشكورررررررررررره وماقصرررتي بحاول الداوم علييه وابضيف كمان زيت دابر املا في وشط الاسبوع اش رايك ؟!! انا كمان طالبه بس ان شاء الله بنظم وقتي عشان استمر عليه ان شاء الله

ومشكوررررررره ماقصرتي والله يعطيك لين يرضيك ويوفقك ويعوضك خير وياررب يرجع شعرك زيي اول واحسن وشعري معاك ان شاء الله

والحمد لله على كل حال :)

للرفع..~