الرقية الشرعية باستمرار وقراءة سورة البقرة بيقين تزيل الجاثوم
مع ملاحظة ان الخوف يزيده
tamtom
•
بسم الله الرحمن الرحيم واعوذ بالله من الشيطان الرجيمبسم الله الرحمن الرحيم واعوذ بالله من الشيطان الرجيم
الله يعافينا ويعافيكم:44:
الصفحة الأخيرة
سبحان الله، بعد مشاركتي في هالموضوع قبل فترة، جاني الجثام مرتين..
الأولى: كنت غايبة ومارحت دوامي هذاك اليوم ولحالي في البيت ونايمة، بعدين شوي حسيت كأنه أحد دخل غرفتي فحسبته أخوي رجع من الجامعة، واستغربت ليش رجع الحين!!
وخلاص بدأ الجثام يجثم علي حسبي الله عليه ونعم الوكيل.. كنت كأنتي فاتحة عيني على طرف السرير وفهمت انه زي الحيوان نطط عالسرير كذا مرة وبعدين نزل الجهة الثانية، وشوي كأنه انسان بس ماأشوف ملامحه مع اني حاسة اني مفتحة عيني..
وجهه في وجهي ونفسه في اذني.. ماأتذكر بالضبط أي ذكر جلست أردد لين ماراح والحمدلله..
بصراحة كان مرعب.. وقمت على طول وتفلت على يساري مع اني عارفة انه هذا الشي عند رؤية الحلم المزعج.. وتعوذت من الشيطان..
المرة الثانية كانت أمس.. قسم بالله جابلي البكاء..
كنت موقتة الجوال على 6 لأنه يؤذن 6:30 أبغى أصلي الوتر، فدق المنبه وقمت فتحت عيني وشفت الساعة كم ثم ضغطت غفوة عشان يرجع يدق..
ورجعت نمت على جنبي وكنت مربعة يديني شوي جاني الجثام وركب على جنبي ويتنفس في إذني بقوة بقوة، جلست أقول أعوذ بكلمات الله التامات من شر ماخلق، بس قلت لا لا أبغى شي أقوى، المشكلة وقتها الواحد يوقف مخه (بعد البحث وجدت لأنه يسيطر على الأعصاب والمخ)، فتذكرت آية "أمن يجيب المضطر إذا دعاه ويكشف السوء" وظللت أرددها وبعدين أقول لا أبغى شي أقوى، وهو حسبي الله عليه مازال جاثم علي.. وفي الأخير قرأت سورة الناس أو سورة الفلق ماأتذكر، وأحاول أقول مو فقط في نفسي ولكن كنت أبغى أحرك شفايفي، فقام وش يسوي!! يروح يمسك شفايفي يسكرها وأقاوم وأقاوم وهو يسكرها وأنا أقرأ لين راح الحمدلله..
قمت وأنا مفزوعة وفيني بكاء.. وكنت مرتعبة مرة مرة أكثر مرة في حياتي..
بعد ماسألت وبحثت.. واحد من أقاربي مسكين معيون، ودااااااااااااااااااااايم يجيه دايم دايم..
المهم يقول انه لمن يبدأ يحس فيه، يبدأ يذكر الله وحتى بعد يدعي عليه إن الله ينتقم منه وياخذ حقه منه يوم القيامة فيقول انه يخاف ويهرب..
ويقول انه بعد جاه مرة وهو في المسجد تخيلوا؟؟ يعني واعي مو نايم بس راح بدري وكان لحاله، فالمسجد كان فاضي، وشوي يقول أحس باقتراب شخص وجيت بطالع إلا وهو الجثام وقتها يقول أسمع أصوات وزحمة كأن المسجد مليااان ناس، بعد ذكر الله وكذا راح، فيقول التفت حواليني، مافيه مخلوق..
الشي المهم، إنه الجثام زيه زي أي ابتلاء أو مرض يمر على الإنسان وغالباً يكون بسبب مس أو عين في الإنسان فيصبح فيه ثغره تمكن الجاثوم من المرور على هذا المصاب..
واللي فهمته بعد إنه من تسلط الجن ولو مرور بسيط على الإنسان، فالواجب ذكر الله دائما والتحصن والتدبر في الأذكار وأن يوافق القلب اللسان حال الذكر، مو بس تنقال الأذكار بدون تدبر وأيضاً البعد عن المعاصي والذنوب لأن الجن والأرواح الخبيثة تتواجد دائماً في الأوقات والأماكن اللي تكثر فيها أو المعاصي أو عند نسيان ذكر الله تعالى..
حسبنا الله ونعم الوكيل حسبنا الله ونعم الوكيل على كل من يعمل على أذية المسلمين من الإنس والجن..
حسبنا الله ونعم الوكيل..