الجار قبل الدار تعالوا شوفوا قصة جارتي

نقلت لي شقة اوسع ونظيفه مره اعجبتني
المهم من يوم شفت الشقه اشوف باب جيران كان احد يشوفنا لامسكر ولا مفتوح مردوع النور طافي قلت في نفسي اتوهم الا كتاب باين من عنوانه
جبت العفش وبديت ارتب اغراضي ساعة وحدة ليلا الا باب يدق
قلت ياساتر من ذا ليكون احد من اهلنا فيه شي
لاتطلع بنت عمرها 12 تقول امي تبي تساعدك
انحرجت بيت محتاس وفيني نوم قلت معليش مابي اكلف عليها واتعبها
الا شوي تطلع تقول لامافيها شي بساعدك واصرت علي ودخلتها
زوجي نايم
ماقصرت ساعدتني وكنت مرره فرحانة بجارتي انها طيبه وبسيطه
واناهي بمطبخ تسولف عن اهلهامزوجينها بشايب وكانت ساكنه زوجها وزوجته بعدين زوجها طلعها شقه لانها زوجه ثانيه تعاطفت معه
يوم ثاني قلت لي زوجي قال انتي صاحية تستقبلي احد في اخر لليل
يجي الظهر بنت تدق باب بنت مو صغيره 12 سنه مربربة ماشاء الله قالت بلعب مع بنتك وبنتي عمرها 5سنووات
يوم شافها زوجي قال البنت كبيره وين اهلها ماغطوها ماشا الله مليانه
مبينه اكبر من عمرها كيف مخلينها لحالها
طلعيها لا يوسوس لي شيطان فهمتوا وش يقصد وهذا هو ملتزم
هنا انا ولعت وقمت قلت لها اطلعي بنام قالت عادي ناموا استحيت منها
قمت دخلتها غرفة وجلست معها
زوجي لحاله في صاله بعد غريبه ومامن لي بنتي مع أي احد
راح زوجي صلاة العصر بعاده العصر اسوي شاهي ومكسرات ووبسكوت اوكيك
جاء من الصلاة الا جارتي عندي قلت له ادخل مجلس شوي الي ان تروح
وجلس وجاء المغرب والعشاء وزجي في مجلس لحاله يطلع ويرجع
راح جاب عمال تركيب ستاير وخلصوا لسى ماراحت
دق علي جوال قلت له جيب عشاء وتعشت وسالتها عن زوجها قالت مايجي ساحرته زوجته الاولى اعوذ بالله
جا ء ساعه 12 راحت بيتها وعيالها حسوا علي بيت
شوي تدق قالت ابي شوي مويه لان ماء مخلص وشفت عندكم دبات كثير اعوذ برب الفلق
واعطيها وتدق مره ثانيه عصب زوجي لاتفتحي لها ابدا وتدق مافتحت وتدق جوال ورديت قالت ولدي مسخن ابي دواء حراره
واعطيها الا تقوول تكفين اذا نام زوجك ناديني
نمت وماناديتها
يوم ثاالث مافيه أي صوت والا دقت ولا احد من عيالها يدق باب وقول لي زوجي كلها منك فشلتني معها والله حبوبه
قام يضحك قال ماراح تدق عليك الابكره
لانه شاف زوجها جاي
فعلن دقت يوم ثاني وتقول مجهزه زمزمية قهوة وحلا وتبي تجي عندي استقبلتها زوجي معصب
وانا اهوشه قول عيب وجيران مايصير
وتقعد الي ساعه 12 واحيان العيال يجيبوا كتبهم معهم يحلوا واجباتهم
بديت اشوف زوجي معه حق
وتدق بنت ويفتح زوجي معصب الا البنت كبيره تقوله بكره علي مدرسة وشعري مزيت وهي صادقة لان امها زيتوا زيت حقي صارت تموووون بمررره
جا ءزوجي يقول بنت تبي شامبوا وانا اهوشه ماتقول كبيره ليش تفتح باب وهذا وانت مطووع الله يهديك بس واعطيها شامبوا
وماعد صر ت افتح لهم
بعد ماكشفتها
يوم كان زوجها موجو د قال زوجي دقي عليها واعزميها لانه فهمها احسن مني
قلت بدق عادي اصلا ماتحب زوجها وماتبيه اهلها جابرينها وارسل وات وماترد
ودق جوال جوالها مغلق
عاد خذي تريقه وسخريه ويقول حافظي علي بيتك مثلها


وصرت ارد عليها بمزاجي ولكن احرقوا الجرس
قام زوجي قطعه لانه يصحيه من نوم
وهذا تتطلب طلبات ماحد يتوقها مرره طلبت بنطلون غسلته بخرته واعطيتها ومره بخور
مره عطر للي شميته فيك ابي اهبل بزوجي لليله واعطيها
مره طلبت مكيب ومسكره اعطيتها وماطلبتها لانها خلاص ماتصلح تستعمل اكثر من شخص
ارحمهالان حالتهم ماديه ضعيفه
مره فتحت لبنت وعلي قميص نوم
شوي ترسل ابي اشوفه البنت تمدحه
مليت منها وزجي طفش
تكلمه يشيل دبة الغاز او المويه
تراقب لحضت خروج زوجي ترسل بنتها لاني قلت لها غطيها حرام عليك وكذا صارت تعاندي فيها
هنا قلت لي زوجي نطلع قال العقد سنه وباقي 7 شهورر
مررره متضايقه مابي بيت ابي اغير ه
مليت من طرق الباب ومراقبه وين رحتوا وين جيتوا
حاولت اتحملها لانها جارة ولكن مرررره غثيثه
مدري وش اخرتها معها