الجار قبل قبل الدار تعالوا شوفوا000

بسم الله الرحمن الرحيم
السلام عليكم ورحمة الله وبركاته
اكيد الكتاب باين من عنوانه أنا عندي جاره تعرفت عليها من سنه ونص تقريبا وهي من الطايف وتزوجت وحملت وجات سكنت قريبه مني وهي نفاس تعرفت عليها وقمت بالواجب معها وبصراحه أول وحده اتعرف عليها من الجيران بعد ماخلصت الأربعين لاحظت عليها بس تدق وتلمح تبي تجي أنا بصراحه كان ودي بس حمولتي كانو عندي بعد كذا سويت جمعه للحريم وكنت توني متعرفه عليهم والله لايوريكم كل انواع البداوه طلعتها تصدقون انها تقول عن نفسها انا أروح اسير من بيت لبيت عباتي على راسي مو شرط أحد يكلمني لاشفت باب الجيران مفتوح أدخل قلت طيب ومتى تفضين لولدك أنا بصراحه طلعه وحده بلأسبوع وتهدني أشلون انتي باليوم 3مرات قالت يكلموني اهلي أروح ارضعه وارجع لهم (أنا هنا في نفسي قلت ذي همجيه بصراحه)وقالت ان اهلها ساكنين جمب قصر افراح وانهم كل يوم محضرين عشان بس يتعشون أنا هنا والحريم سوينا كذا:icon810: من الصدمه على ان عندهم خير وموقاصرهم شي
وبس يبنات أبلشتني بعمري تسير علي بأي وقت هي تحب يعني يناسبني مايناسبني ماهمها زوجي بالبيت مو بالبيت ولاعلى بالها تخيلو أحد يسير وقت الظهر الساعه وحده والأدهى نادتني عندها ترى بعد ماجت عندي 20 مره والله حتى كاست المويه ماضيفتني فيها وزعلت ليش انا أكرمها على انها غاثتني وهي ولاهمها حتى بيتها الله يصلحها دمار تخيلو حفايض الولد ورى المغسله وقلت لها بأسلوب يعني بدل اللفلفه عالبيوت امسكي بيتك تسلي فيه وفي ولدك قالت الحمدلله بيتي نظيف اي نظافه وريحت الحفايض صاكه بخشمي وقطعتها صارت تدق الجرس ماأفتح لها تدق تلفون ماأرد عليها
وأمس رحت عند جارتي نفاس تشكي منها تقول غثتني ابي اتهنا مع زوجي قبل اسافر لأهلي مومهنيتني تجي وقت الظهر مرات بالمغرب وقت غداهم لأن زوجها يطلع متأخر ومره سوتها برمضان وبعز الظهر وتقول اني قطعتها ولا عاد أفتح لها الباب
والحين رجعت علي تأذيني قلت للجارات بكلمها بأدب واتفاهم معاها قالوا لمحنا ونصحنا بس مافيه فايده كنك تنفخي بقربه مقطوعه طيب اش الحل كل الجيران يشكو منها وقاطعوها
وانا اللي حاز بخاطري كل ماسويت لي شي حسبت حسابها هذا غير المعروف وهي درت اني حامل والله ماكلفت على عمرها تسوي غدا وترسله لا فالحه تتصل تقول بسير عليك والقهر أيد ورا وأيد قدام طالما انك جايه فجأه عالأقل جيبي قهوتك معك :mad:
والمطلوب ابي حل جذري لمشكلتنا حنا جيرانها اش الحل اذا هي بالنصيحه بالدق بالكلام ومافي فايده؟؟؟:angry::angry::angry:


ألف شكر لكل اللي ردوا علي بس عندي ملا حظه انتوا تسرعتوا وحكمتوا علي انا ماقصدت البدو ولاجبت طاريهم وبعدين قصدت تصرفاتهاكانت همجيه وأسفه اذاأحد فهمني غلط
بس لاحظت تركتوا الموضوع واهتميتوا بالقبايل وترى هالحرمه بدويه ماسكنت بالطايف الا من9 سنين كانوا أهلها بالبر عايشين بخيام وانا متأكده من اصلها
أما بالنسبه لجارتي والله والله والله قلت لها ألف مره زوجي عصبي ومايحب احد يجيني الا باستأذانه ولا فيه فايده قلت لزوجي كلم زوجها قالي هو محترم جدا ومالي دخل فيكم
والله كرهتني عيشتي تقطع شهر وتزعجني شهر ماهي عيشه ذي
تصوروا دقت مره علي وانا اقيل الظهر رد ولدي وقالها نايمه يوم صحيت قالت والله بغيت اقوله افتحلي الباب واطلع اصحيك ؟؟؟
واذا شمت ريحت عزيمه عندي تجي فجاه ولا تطلع الا محمله بالصحون تخيلوا من غير استأذان؟؟؟
والمشكله كل الجيران تسوي معهم كذا وقالولها بس زي اللي طز فيكم وعلى قلوبكم