الجبنة يا بنات وين

اهلا فيك اختي .
انا كل اسبوع لازم اعمل جبنة وجبنة رائعة ولكن ماذا تريدين بالزبط .
انا الي اعملها الجبنة البيضاء .:26:

شكرا الك اختي على الرد
انا بدي اي نوع جبنة ممكن تنعمل بالبيت
لانه عندي كمية حليب متوفرة دايما بس حليب بقر

بلييييييييييزززززززز
لا تتأخري علي

اليوم ضروري

السلام عليكم
عليك ان تشتري من الصيدليه الان اقراص بيضاء اسمها دورة او مسا .
وقولي له الاقراص الخاصة بعمل الجبنة البيضاء ومجرد شرائك لها نتابع معك وانا موجودة باستمرار مجرد شراءها ردي لي ...
هي اقراص بيضاء متل الاسبرين بها اشارة +

شكرا شكرا شكرا
لانك جاوبتيني بسرعة
والاقراص انا جبتها
لاني تابعت موضوعك مع وحدة من الاخوات


بس بليز لا تتأخري

والله انا مستعجلة عليها

وما قلتي تنفع في حليب البقر
لانه عنا بالاردن بيعملوها في حليب الماعز

شكرا مرة تانية وبانتظارك

اختي
طريقة عمل الجبنة وانا هنا بعملها بحليب بقر
والفرق انه الغنم ما بنزل ماء كثير وانت الكسبانة
بدل كل التعب ويطلع معاك كمية قليلة .
اقرأي كم كيلو يروب لك القرص اغلي الحليب جيدا ومن ثم برديه لحتى يصل لدرجة دافئ او اكثر قليلا.
خذي بالمغرفة كمية من الحليب وضعي بها القرص وخليه
يذوب في المغرفه ومن ثم ضعيه على الحليب
وحركي جيدا والعبرة انه بتخافي ان وضعتيه
مباشرة وحركتي ما يذوب .
غطي بحرام لاربع ساعات واعملي نظرة عليه لازم تشوفيه متل القرص وجامد .
ساعتها احضري قماش من الذي يسرب الماء الي نستخدمه في صنع اللبنه .
كل قطعه 50 سم في 50 سم .
ضعي بها كمية من الروب هذا واغلقيها مثل طرف حبة الحلو بالبرم .
اذا انت من الاردن حتفهمي علي .
انتظري خمس دقائق بالزبط وافتحي الشريطة ورتبي
شكل القرص مربع .
واغلقي القماش الان بانتظام .
مو متل الاول .يعني هلا تسفيط .
ضعي وعاء فوقها مليء بالماء .
اتركيها اربعين دقيقة .
اكشفي عنها وقسميها وملحي كل قطعه وخلي الملح كثير .
اتركيها 12 ساعة .
الان اغلي ملح وماء وسقطي الجبنة بها .
مجرد ما تبدأ بالغليان تناوليها من الماء ورتبيها في المرطبان .
الان انتظري على الماء المستخدم حتى يبرد .
وضيفيه لها واغلقي عليها .
هي الان جاهزة للتناول .
وألف صحة وعافية .
لا تنيسني من دعوة صالحة .
اي سؤال انا في الخدمة .