الجبنية بطريقتي رووعة جربوها وبتدعون لي

السلام عليكم
من زمان عن المنتديات
اليوم جبت لكم طريقتي بالجبنية
جربوها وادعولي
روعة روعة روعة
هششه وتذوب بالفم
تنتفخ معك كنها مخدة تبارك الله
المقادير
الجبنية اللذيذة
هذي وصفتي اللي معتمدتها من زمان تنتفخ معك كنها مخدات تبارك الله وهشه ولذيذه
وتقدرين تحشينها 👌🏻
المقادير
علبة جبن كرفت شدر مبشور
ملعقة ونص خميرة >> الملعقة الوسط ملعقة الحلا
نص ملعقة وسط بيكنج باودر
بيالة زيت >> البيالة اللي نشرب فيها الشاي
٤ ملاعق طعام حليب بودرة
علبة حليب بوني المركز او ابو قوس او اي نوع>> بس مايكون محلا لا اقصد الحليب اللي ينحط مع الشاي
نخلط كل هالمقادير 👆🏻 بالخلاط انا ساعات احب اضيف حبة سوداء تعطيها نكهه حلوة وساعات ما اضيفها على حسب رغبتكم
بعد مانخلطها نبدا نضيف طحين شوي شوي لين تتكون معك عجينة متماسكة شبه لينه
ما اعرف مقدار الطحين ماعندي مقدار معين اضيف شوي شوي
اذا تكونت عجينه تلصق شوي باليد غطيها خليها تخمر بمكان دافي لمدة ساعه او نص ساعه عالاقل
بعدها رقيها بسطح مرشوش بدقيق
وهذا الشي مهم تسوينه الرق يكون وسط لا هو سميك ولا رقيق مره
اذا رقيق ماراح تنتفخ معك واذا سميك بتعجن معك
بعدها اقليها في زيت عميق حار بتشوفينها تنتفخ معك
وقدميها مع شيرة او نستله او دبس تمر او عسل او سكر بودرة
تقدرين تحشينها بكريمة انتي تسوينها او كاسترد
وترشينها بسكر بودرة
هالطريقه تجنن اعتمدوها للجبنية وبتشوفون الفرق بالطعم وبالهشاشة وببالشكل 👍🏻
ولاتنسون ذكر الله ماشاء الله تبارك الله
احفظوها عندكم جاينا رمضان الله يبلغنا واياكم اياه واحنا بخير وصحة وسلامة
لمتابعة وصفاتي عالانستجرام هذا حسابي @tab5book
IMG_6139.PNGIMG_6147.PNG