جربت طريقة الأخت( الغمامة ) في الجبنية عشان أحطها في الفريزر وما شاء الله طلعت تهبل
المقادير:
2 كوب طحين أبيض
كوب جبن كاسات كيري أو كرافت أو بوك أو فيلادلفيا
م ص خميرة
ربع كوب ماء
*أنا اضفت لها زعفران للون والريحة
الطريقة :
* نخلط الطحين بالخميرة ونعجنهم بالجبن ثم بالماء وتتركيها حتى تختمر
ثم نفردها بالطحين وماتكون رقيقه (تصير قاسية) ولا سميكه (تصير معجنة) ونقطعها بالقطاعة
وتقدرين تقطعيها ب (العجلة) اسرع وما تتعبك في باقي العجين
وتصفيهم بصينية مرشوشه طحين
ثم تقلينهم في زيت ما يكون حار كثير عشان تنتفخ براحتها
بس يحمروا تحطيهم بمصفاة
ثم تقدميهم بس ترشي عليهم القطر او العسل
وحطيتهم في اكياس في الفريزر
تسلم الايادي