طبعا هذا اول موضوع لي بهذا القسم جربوه ودعواتكم لي
بصراحه هو صار تأليف وتقدرون تقولون اختراع بس بصراحه عليه طعم عذآآآآآآآآآآآآآآب وخصوصا مع القهوة
طبعا اولا ببدأ بمقادير الجبنيه
1 علبة جبن كرافت مبشور كبير
1 علبة حليب مركز بوني او ابو قوس اللي تبين بس مركز موب المحلا انتبهي
ملعقة ونص وسط خميره << ملعقة الحلا اللي تاكلون فيها حلا
نص ملعقة وسط بيكنج باودر
بيالة زيت
كأس ماء
4 ملاعق كبيره حليب بودره
تخلط جميع هذه المقادير بالخلاط الى ان تتجانس ثم تضعين قليل من الحبة السودآء ( حبة البركه ) بس عشان تعطيها نكهة حلوة طبعا هذي حسب الرغبه اذا ماتبين مو لازم
بعد ماتخلطينها
ابدأي حطي طحين شوي شوي لين تتكون عجينه
تتركينها تخمر ساعه او نصف ساعه بمكان دافي
بعدين تبدين بعملية الرق ترقينها وسط لا رقيقة مره ولا متينه مره خليها وسط عشان تنفش معك بالزيت
بعدين اقليها في زيت عميق
بعد ماتستوي وتبرد
<<< طبعا الحين تقدرين تاكلينها كذا مع شيره او دبس تمر لذيذه او حتى حليب نستله محلى
بس احنا نبي نغير شوي
من عنوانا الاسم الجبنيه الاكليريه لان طعمها الذ واحلى من الكلير نفسه صدقوني بتدمنون عليها :27:
تسوين لك خلطة مكونه من ( 1 علبة كريم كراميل مع الكراميل الموجود معاه بالعلبه + علبة دريم ويب + علبة قشطة + ربع كاس حليب سايل باااااارد جدا + 3 ملاعق حليب بودره + 4 حبات جبن كيري قطع )) تخلطين المكونات بالخلاط لين تصبح مثل الكريمه حطيها بالثلاجه على ماتسوين الجبنيه وتخلصين
بعدين تجيبين الجبنيه المقلية والمستويه خلاص تفتحين شوي من الطرف او تفتحينها بالسكين من النص مثل الساندويش وتحشينها بهذي الخلطه
وتصفينها في صحن وترشين عليها حليب نستله وهيرشي
واستمتعي بالطعم الرهييييييييب :35:
بالعافيه عليكم
دعواتكم لي بالتوفيق
بالنجاح بمعدل ممتاز وبالوظيفه والزوج الصالح
:cook:
طبعا الصوره مو لي بس الصورة تقارب طبختي بس اوعدكم اول ما اسويها مره ثانيه ابحط صورتها بس الطبق عن تجربه ومن اختراعي