اليوم رح نحكي عن الجدلة البسيطة بالتريكو ... وهي بتكون بس طرفين .... والمرة الجاي رح نحكي عن الجدلة اللي بتكون 3 أطراف اللي هي متل جدلة الشعر ... وهي أصعب شوي من البسيطة ... بس لما نفهم البسيطة رح يكون علينا سهل نعمل الثلاثية .... الجدلات بالتريكو بأكتر من شكل وان شاء بقدر نزل اغلب الاشكال .... وهي صورة الجدلة
الشرح: رح نبدأ 30 غزرة ... بس لازم نعرف أنه غرزات الجدلة هنن 10 غرزات ... والعشرين الباقي بنقدر نشتغل أي غرزة بنحبها يعني مو بالضروري متل مو أنا عاملة ... قبل الجدلة لازم يكون في غزرتين مقلوب وبعدها كمان غرزيتن مقلوب ... وكمان شغلة هي الجدلة عملت كل طرف منها 3 غرز... فينا نعمل 2 أول 4 حسب مابدنا حجمها
السطر الأول : 10 وجه (عدل) .... 2 مقلوب ... 6 وجه اللي هنن غرز الجدلة كل طرف 3 بيصيروا 6 .... 2 مقلوب ... 10 وجه
السطر التاني : 12 وجه .... 6 مقلوب ... 12 وجه
ملاحظة :: أنا هون اشتغلت ال 10 غرز اللي بأول السطر وبأخره وجه على الطرفين لحتى تطلع بهاد الشكل ... بس ليش على صاروا 12 على دور المقلوب فلأنه في غزرتين المقلوب اللي لازم نشتغلهن وجه على هاد الدور كمان ... بتمنى تكون واضحة
السطر التالت : 10 وجه ... 2 مقلوب ... هلا رح نقيم 3 غرز على دبوس أو اي شي متل ملاقط الشعر الصغيرة ... لحتى مايخرب الشغل وهي الصورة رح توضح
هلا رح نشتغل 3 وجه اللي هنن كمالة 6 غرز وبهيك بنكون حددنا أطراف الجدلة ... وهي الصورة شوفوا كيف تركنا 3 غرز بالدبوس واشتغلنا ال 3 غرز اللي بعدهن
هلا رح ننقل الغرز ال3 اللي بالدبوس على السنارة التانية يعني على الطرف التاني متل الصورة
هلا بعد مع نقلنا الغرز رح نشتغلهن وجه .... بعدها 2 مقلوب ... 10 وجه ... وهي الصورة بعد مااشتغلنا الغرز اللي نقلناهن ...
السطر الرابع : 12 وجه .... 6 مقلوب ... 12 وجه
الشطر الخامس : 10 وجه ... 2 مقلوب ... 6 وجه ... 2 مقلوب ... 10 وجه
السطر السادس : نفس السطر الرابع ..12 وجه .... 6 مقلوب ... 12 وجه
السطر السابع : متل السطر التالت بس هون في ملاحظة ... اذا حبينا تكون طول الجدلة أطول بنعمل أدوار أكتر ... يعني أنا عملت 3 ادوار بين اول جدلة والتانية ... رح نسمي الدور التالت هو سطر الجدلة اللي بنعمل فيه الجدلة ... يعني ممكن نعمل 5 ادوار بين اول سطر جدلة والتاني وبهيك بتكون الجدلة أطول .... للاسف ماعندي صورة بس ان شاء الله بحاول اعملها ونزلها
وبهيك بنكون خلصنا ... بس لسى عندي ملاحظة .... وهي عن ال 10 غرز اللي بأول السطر وبأخره في بينهم خط ... هاد الخط اذا حبينا نعمله بس بدور واحد من الادوار اللي على المقلوب بدل مانشتغلن وجه نشتغلهن مقلوب... أدوار المقلوب بنقصد فيها الادوار اللي بتكون على مقلوب الشغل مو وجه ومن هون اجيت التسميات ... وبنكمل عادي باقي الادوار ... بتمنى تكون واضحة
بتمنى يكون شرحي واضح واي سؤال أنا حاضرة وانطروني مع الجدلة الثلاثية ... والغرزات التانية
دمتم بخير
تسسسسسسلم يدينك !!