شوفي اذا طليقك طيب وعشرته حلوه ارجعي له
والمشاكل كل البيوت فيها مشاكل
وغلطتك انك طلعتيها لاهلك
مهما يصير في بيتكم لايطلع بررررى
وواضح ان زوجك يحبك وشاريك

اولا يا اختي أستخيري الله سبحانه وتعالى وحده ثم خذي المشورة من العقلاء من اهلك
ثانيا انصحك تجيبين ورقة وقلم وتعددين فيها محاسن ومساوئ زوجك ( ممكن يكون تغير خلال الخمس سنوات )
ابو عيالك هذي اول واكبر دافع لك عشان ترجعين له انه تربين عيالكم بينكم
الحمدلله اللي من عليك بالصبر خمس شنوات عشان تربينهم لكن هل شفتي خلال الخمس سنوات صعوبة كانت هينة عندك لمن كنتي مع زوجك .
إنتي مالك دخل بأمه ولا لها دخل فيك وهذي نقطة قوية تقدري تناقشي زوجك فيها قبل ما ترجعين له يعني إنتي الحين عرفيتهم بعد ما عاشرتي أمه فترة وتقدرين تحطي قراراتك الخاصة وتعرفين ترسين على بر .
أمه وخواته جدة وعمات عيالك على طول راح يظلون مرتبطين فيهم لكن الان إنتي وعيالك وزوجك اكبر والعقل واحكم من اول وتعرفين خلاصك .
وعني بنصحك نصيحة خالصة بوجه الله ، العيال اللي يكبرون بين الام والابو نفسيتهم وفي مجتمعهم أفضل وحياتهم اكمل من ان يكون احد الوالدين طرف زائر فقط .

بسالك سؤال إنتي مركونة قدّامه 5سنوات
ايش اللي غيره فجأة افتكرك؟؟؟
تتوقعي أهله اللي يحبون زوجته الجديده بيرحمونك؟؟
اخاف كان متهاوش معاها و أتذكرك
الرجال ذَا غريب الحين لاتخلين مجال تاخذي وتعطي معاه
لايحس انك منتظرته أبدا
وإذا يبغاكي يكلم اهلك هذي الأصول صح او لا
إنتي بتقدري تتحملي الطبينه ؟؟؟؟؟
هيا أكيد ما راح تتحمل
أخذتوا على أساس مطلق يعني غشها برجعتك
اتوقعي لو رجعتي الكيد من كل الجهات
ربي يكتب لك الخير و يصرف عنك الشر
والمكتوب لك بتحصلينه

ارجعي واسكني بعيد عنهم


وخلي بينكم زيارات خفيفه

معليش باتكلم بواقعية
اذا انتي مااتحملتي المشاكل اللي كانت سببها امه وصار الطلاق
تتوقعي بتتحملي المشاكل دحين اللي بتكون فيها زوجته
لاتقولي مالي دخل بيها ومن هالكلام الكلام سهل
لكن الواقع بيقول انك بتقعدي في نار وغيرة كل ماراح لها
هذا غير انها اتزوجته وهو مطلق من غير زوجة
يعني مليون بالمية مابتوافق انه يرجعك
وامه اللي تصير بنت اختها تتوقعي بترضاله انه يردك وهي من الاساس ماكانت تحبك وطلاقك بسببها
ولو اخذك بغير رضاهم
تتوقعي بيصمد هالزواج
اذا ماصمد وانتي لحالك معاه بيصمد دحين وهو معاه زوجة غيرك وكمان مقربه لامه
الحين عشانك ماتحليله مزينك الشيطان بعينه
وبيشوف ان مافي منك وبيوعد وبيعملك البحر طحين
لاكن لاتزوجتي بيرجع نفسه الاولي
وبترجع نفس المشاكل بس بالدبل لان في اكثر من جبهة متحاربة معاك
اذا انتي بترجعيله وانتي مكبرة واسك ومريحة دماغك ومموتة قلبك من ناحيته فارجعي
لكن اذا الغيرة بتاكل قلبك وبتمرضي حالك مل ماراح لزوجته ولا طول الوقت زوجتك سوت وامك عملت فخلك عند اهلك احسن
واولادك مو ضايعيين